logo
news image डॉल्बी बंदीमुळे पुण्यातल्या १२५ मंडळांचा विसर्जनावर बहिष्कार news image विसर्जनामुळे मुंबईच्या चौपाट्यांवर कडक बंदोबस्त news image ‘डेई’ वादळाचा फटका आठ राज्यांना बसण्याची शक्यता news image राष्ट्रवादीतून उदयनराजेंचा पत्ता कट होण्याची शक्यता, आमदारांनी केली शरद पवारांकडे तक्रार news image बच्चू कडू रावसाहेब दानवे यांच्या विरोधात लढणार news image शेतकर्‍यांना साले म्हटल्याचा बच्चू कडूंना संताप news image भारतीय चित्रपट ‘विलेज रॉकस्टार’ ऑस्करच्या स्पर्धेत जाणार news image शांतता चर्चेला नकार भारत अहंकारी- पाक पंतप्रधान इम्रान खान news image बीडच्या दहावी नापास विद्यार्थ्यानं तयार केली ३० हजारात जीप news image फ्रान्सचे माजी राष्ट्रपती मोदींना चोर म्हणाले- राहूल गांधी news image १२४ गावातला कृत्रिम पावसाचा प्रयोग रद्द, त्या आधीच पडला पाऊस news image राज्यात पाच किटकनाशकांवर दोन महिने बंदी news image विसर्जनात डॉल्बी वाजणार नाही विश्वास नांगरे पाटील यांचा उदयनराजे यांना इशारा news image केंद्राच्या आयुष्यमान योजनेची आज पंतप्रधानांच्या हस्ते सुरुवात, १० कोटी जणांना मिळणार विम्याचा लाभ news image आज भारत पाकिस्तान क्रिकेट सामना

HOME   लातूर न्यूज

लातूर जिल्ह्यातील आरोग्य सुविधांसाठी ३१.५० कोटींचा निधी

पालकमंत्री संभाजी पाटील निलंगेकर यांचा पाठपुरावा

लातूर जिल्ह्यातील आरोग्य सुविधांसाठी ३१.५० कोटींचा निधी

लातूर: जिल्ह्यातील आरोग्य सुविधा अधिक मजबूत करण्यासाठी राष्ट्रीय ग्रामीण आरोग्य अभियानाअंतर्गत लातूर जिल्ह्याला ३१ कोटी ५० लाख रुपयांचा निधी मंजूर झाला आहे. यासाठी पालकमंत्री संभाजीराव पाटील निलंगेकर यांनी केंद्रीय आरोग्य मंत्री जेपी नड्डा यांच्याकडे पाठपुरावा केला होता.
लातूर जिल्ह्यात गोरगरीब नागरिकांना आरोग्य सुविधा मोफत उपलब्ध व्हाव्यात यासाठी आरोग्य सुविधा अधिक बळकट व्हावी असे पालकमंत्री निलंगेकर यांचे धोरण आहे. यासाठी एका कार्यक्रमानिमित्त केंद्रीय आरोग्य मंत्री लातूरात आले असता पालकमंत्र्यांनी त्यांना निवेदन देऊन आरोग्य सुविधांसाठी निधीची मागणी केली होती. त्याला मंजुरी मिळाली असून जिल्ह्यात प्राथमिक आरोग्य केंद्र आणि अधिकारी व कर्मचार्‍यांच्या निवासस्थानासाठी निधी मंजूर करण्यात आला आहे. जिल्ह्यातील किनगाव, उजनी व मदनसुरी येथे नव्या प्राथमिक आरोग्य केंद्राची मागणी करण्यात आली होती. या तिन्ही केंद्रांना मंजुरी देण्यात आली असून त्यासाठी प्रत्येकी तीन कोटी ७७ लाख रुपये मंजूर करण्यात आले आहेत. कव्हा येथे प्राथमिक आरोग्य केंद्र तसेच अधिकारी व कर्मचार्‍यांच्या निवासस्थानासाठी पाच कोटी ६० लाख रुपये मंजूर झाले आहेत. नळेगाव, वलांडी व पानचिंचोली येथील प्राथमिक आरोग्य केंद्र व कर्मचारी निवासस्थानासाठी प्रत्येकी १ कोटी ८० लाख रुपयांना मंजुरी मिळाली आहे. हंडरगुळी प्राथमिक आरोग्य केंद्रासाठी तीन कोटी ४१ लाख तर जवळगा पोमादेवी येथे प्राथमिक आरोग्य केंद्र व अधिकारी आणि कर्मचार्‍यांच्या निवासस्थानासाठी चार कोटी रुपये निधी मिळणार आहे. जिल्हा औषध भांडारासाठी ८२ लाख रुपये तर विभागीय औषध भांडारासाठी ९७ लाख रुपये असा एकूण ३१ कोटी ५० लाख रुपयांचा निधी मंजूर झाला आहे. पालकमंत्री संभाजीराव पाटील निलंगेकर यांनी पाठपुरावा करून हा निधी मंजूर करून घेतला आहे. यामुळे जिल्ह्यातील आरोग्य सुविधा अधिक बळकट होणार आहेत. या माध्यमातून प्राथमिक आरोग्य केंद्र आणि सुसज्ज इमारती उभ्या राहणार आहेत.


Comments

Top