HOME   लातूर न्यूज

अतिक्रमण हटावच्या विरोधात धरणे आंदोलन


अतिक्रमण हटावच्या विरोधात धरणे आंदोलन

लातूर: जुन्या जिल्हाधिकारी कार्यालयासमोर अंगद सूर्यवंशी यांच्या मालकीच्या जागेतील कॉम्प्लेक्स मनपा आयुक्त कौस्तुभ दिवेगावकर यांनी पाडल्याच्या निषेधार्थ १८ सप्टेंबर रोजी मनपासमोर सर्व दलित संघटनांच्या वतीने धरणे आंदोलन करण्यात आले. आंदोलनानंतर शिष्टमंडळाने उपायुक्त संभाजी वाघमारे यांची भेट घेऊन अंगद सूर्यवंशी यांच्या मालकीच्या जागेत असलेले कॉम्प्लेक्स पाडल्याचे निदर्शनास आणून दिले व सदरील जागा त्यांच्या मालकीची असल्याची कागदपत्रे उपायुक्तांना सादर केली. या शिष्टमंडळात अंगद सूर्यवंशी यांच्यासोबत नगरसेवक सचिन मस्के, दत्ता मस्के, माजी नगरसेवक सुनील बसपुरे, रिपाइंचे जिल्हाध्यक्ष दिगंबर गायकवाड, अशोक देडे, बसवंतअप्पा उबाळे, चेअरमन विकास कांबळे, आनंदभाई वैरागे, गोविंद शिंदे, विष्णू कांबळे, मिलिंद कांबळे, महादू रसाळ, जी ए गायकवाड, मोहन सुरवसे, शाम चव्हाण, शुभम रुपसुंदरे हे उपस्थित होते.


Comments

Top