HOME लातूर न्यूज

मनपातील १२०० सफाई कामगारांना साड्या-ब्लॅंकेटचे वाटप

अण्णाराव पाटील यांचा कृतज्ञता सोहळा

लातूर: शहरात जनतेचे आरोग्य सुरक्षित राहावे म्हणून सफाईचे काम करणाऱ्या मनपा कांचार्याप्रति कृतज्ञता व्यक्त व्हाव्ही म्हणून महाराष्ट्र विकास आघाडीच्या वतीने येथील १२०० सफाई कर्मचाऱ्यांना बुधवारी डॉ बाबासाहेब आंबेडकर पार्कवर साड्या व ब्लॅंकेट वाटप करण्यात आले. यामध्ये ६०० महिला व ६०० पुरुष सफाई कर्मचाऱ्यांचा समावेश आहे. महाराष्ट्र विकास आघाडीचे अध्यक्ष अण्णाराव पाटील यांच्यासह अ‍ॅड प्रियंदा गजेंद्र सोनटक्के व यज्ञश्री अण्णाराव पाटील यांच्या वाढदिवसानिमित्त हा कार्यक्रम घेण्यात आला. या कार्यक्रमाच्या अध्यक्षस्थानी महाराष्ट्र विकास आघाडीचे उपाध्यक्ष बसवंतप्पा उबाळे हे होते. प्रमुख मान्यवर म्हणून पक्षाचे प्रवक्ता डॉ. सुरेश वाघमारे सरचिटणीस उमर्दराज खान प्रदेश अध्यक्ष मंचकराव डोने सुभाष लवटे दैनिक भूकंपचे संपादक अशोक चिंचोले नगरसेविका सपना किसवे यांची प्रमुख उपस्थिती होती. यावेळी अण्णाराव पाटील यांच्या भविष्यात महापालिकेच्या सफाई कर्मचाऱ्यांसाठी सेफ्टी मास्क वाटप करणार असल्याचे सांगितले. मान्यवरांनी यावेळी मनोगत व्यक्त केले. आभार महाराष्ट्र विकास आघाडी लातूर शहर जिल्हाध्यक्ष इस्माईल फुलारी यांनी केले. या कार्यक्रमासाठी युवा जिल्हाध्यक्ष नाजम शेख शहर जिल्हा कार्याध्यक्ष कल्याण पाटील, सत्तार शेख, इनाम सायद, बापू घोलप, शायक शेख आदींनी परिश्रम घेतले.