logo
news image किल्लारी परिसरात भूकंपाचे सौम्य धक्के news image राज्यात जिल्हा न्यायालय परिसरात पोस्टाची कार्ये सुरु करण्याची मागणी news image लातूर-जहिराबाद रस्त्याचे काम बंद ठेवण्याची मागणी news image जनसंपर्क अभियान राबवण्याबाबत आज लातुरच्या कॉंग्रेसभवनात दोन वाजता बैठक news image लातूर जिल्हा महिला कॉंग्रेस कार्यकारिणी जाहीर news image मध्यप्रदेश, राजस्थान आणि छत्तीसगड या राज्यात आज मुख्यमंत्र्यांचा शपथविधी news image राफेल प्रकरणी आज भाजपाच्या ७० ठिकाणी पत्र परिषदा news image राज्यातील अधिक कांदा खरेदी करण्याचा राज्याला आदेश news image शिवडी येथे संभाजी भिडे यांच्या कर्यक्रमात भीम अर्मीच्या कार्यकर्त्यांचा कार्यक्रमात गोंधळ news image भू माफियावर कारवाई करण्याची अभिनेत्री सायराबानो यांची पंतप्रधानांकडे मागणी news image खोटेपणा हा कॉंग्रेसचा पाया- राफेल प्रकरणी पंतप्रधान news image देशातील महत्वाच्या संस्था उध्वस्त होऊ देणार नाही- राहूल गांधी news image कोल्हापुरच्या मिसळीची गिनिज बुकात नोंद news image गितांजली खन्ना यांच्या पर्थिवावर अंत्यसंस्कार news image यवतमाळमध्ये पोलिसांवर हल्ला करणार्‍या दोघांना अटक news image नागपुरात खासदार महोत्सवात हेमा मालिनी यांनी सादर केले दुर्गा नृत्य

HOME   लातूर न्यूज

लातूर जिल्ह्यात नवीन सहा सौर ऊर्जा प्रकल्पांना मंजूरी

पालकमंत्र्यांच्या उपस्थितीतील बैठकीत ऊर्जा मंत्र्यांचे निर्देश

लातूर जिल्ह्यात नवीन सहा सौर ऊर्जा प्रकल्पांना मंजूरी

लातूर: मुख्यमंत्री कृषी ऊर्जा वाहिनी अंतर्गत शेतकर्‍यांना वीज उपलब्ध व्हावी याकरीता सौर ऊर्जा प्रकल्प उभारण्याचे धोरण राज्य सरकारच्यावतीने राबविण्यात येत आहे. पालकमंत्री संभाजी पाटील निलंगेकर यांच्या पुढाकारातून जिल्ह्यात विविध ठिकाणी सौर ऊर्जा प्रकल्प उभारण्यात येत आहेत. त्याचाच एक भाग म्हणून जिल्ह्यात आणखी नवीन सहा सौर ऊर्जा प्रकल्पांना उर्जा मंत्री चंद्रशेखर बावनकुळे यांनी मंजूरी दिली. मुंबई येथे झालेल्या बैठकीत जिल्ह्यातील प्रलंबित विद्युत कामांना तात्काळ गती देण्यात यावी असे निर्देशही या बैठकीत देण्यात आले आहेत.
शेतकर्‍याना आर्थिकदृष्ट्या सक्षम करण्यासाठी राज्य सरकारच्यावतीने मुख्यमंत्री देवेंद्र फडणवीस यांच्या नेतृत्वाखाली विविध उपक्रम व अभियान राबविण्यात येत आहे. त्याचबरोबर सबका साथ सबका विकास या धोरणानुसार समाजातील प्रत्येक घटकांना सरकारी योजनांचा लाभ मिळवून देवून त्यांना विकासाच्या प्रवाहात आणण्यासाठी पुढाकार घेण्यात येत आहे. त्या अनुषंगानेच शेतकर्‍यांना २४ तास वीज उपलब्ध व्हावी यासाठी मुख्यमंत्री कृषी सौर ऊर्जा वाहिनी योजना सुरू करण्यात आलेली आहे. या योजनेद्वारे सौर ऊर्जा प्रकल्प उभारण्यात येवून या माध्यमातून शेतकर्यांसह सर्वसामान्य जनतेलाही मुबलक वीज पुरवठा करण्यात येणार आहे. लातूर जिल्ह्याचे पालकमंत्री संभाजीराव पाटील निलंगेकर यांनी मुख्यमंत्री कृषी सौर ऊर्जा वाहिनी अंतर्गत जिल्ह्यात विविध ठिकाणी सौर ऊर्जा प्रकल्प उभारण्यासाठी पुढाकार घेतलेला आहे. यापूर्वी जिल्ह्यात काही ठिकाणी सौर ऊर्जा प्रकल्प उभारण्याचे काम सुरू करण्यात आलेले आहे. आगामी काळात जिल्ह्यात आणखी सौर ऊर्जा प्रकल्प उभारण्याचा मानस पालकमंत्री निलंगेकर यांनी व्यक्त केलेला होता. त्यानुसारच जिल्ह्यातील मदनसुरी, केळगाव, तांबाळा, शेडोळ, चिंचोली तपसे, शिरसी हंगरगा या ठिकाणी सौर ऊर्जा प्रकल्प उभारण्याचा प्रस्ताव दाखल केलेला आहे. तसेच किल्लारी, लिंबाळा दाऊ, साकोळ, एकोजी मुदगड, भेटा, भादा, उंबडगा, कामखेडा,पाथरटवाडी, मातोळा, विळेगाव, ढाळेगाव, थोडगा, लांजी याही ठिकाणी सौर ऊर्जा प्रकल्प उभारण्याचे प्रस्तावित करण्यात आलेले आहे.
या सौर ऊर्जा प्रकल्पांच्या उभारणीसह जिल्ह्यातील प्रलंबित विद्युत कामांचा आढावा घेण्यासाठी पालकमंत्री निलंगेकर यांच्या पुढाकारातून मुंबई येथे ऊर्जा मंत्री चंद्रशेखर बावनकुळे यांनी विशेष बैठक आयोजित केलेली होती. या बैठकीत केळगाव, मदनसुरी, तांबाळा, शेडोळ, चिंचोली तपसे, शिरसी हंगरगा येथील सौर ऊर्जा प्रकल्पांना विशेष बाब म्हणून मंजूरी देण्यात आलेली असून इतर प्रस्तावित करण्यात आलेले सौर ऊर्जा प्रकल्प तात्काळ मार्गी लावावेत अशा सूचना ऊर्जा मंत्री बावनकुळे यांनी दिल्या आहेत. त्याचबरोबर या बैठकीत निलंगा विद्युत उपविभागाचे विभाजन करण्याचा जो प्रस्ताव होता त्यावर चर्चा झाली. याबाबत निलंगा उपविभागाची पुर्नरचना करण्यात यावी अशा सूचना ऊर्जामंत्री बावनकुळे यांनी दिलेले आहेत. यामुळे निलंगा विद्युत उपविभागाला मुबलक मनुष्यबळ उपलब्ध होणार आहे. या बैठकीत जिल्ह्यातील इतर प्रलंबित विद्युत कामांचा आढावा घेवून ही प्रलंबित कामे तात्काळ मार्गी लागावीत असे निर्देश ऊर्जामंत्री बावनकुळे यांनी दिले आहेत.


Comments

Top