logo
news image पुलवामा प्रकरणी आज दिल्लीत सर्वपक्षीय बैठक news image पुलवामा घटनेत शहीद झालेल्या बुलडाण्यातील दोन शहीद जवानांच्या पार्थिवावर आज अंत्यसंस्कार news image नितीन राठोड आणि संजय राजपूत या दोन शहिदांचे पार्थिव आधी औरंगाबादेत पोचणार news image राठोड आणि राजपूत यांच्या कुटुंबियांना प्रत्येकी ५० लाख देणार, कुटुंबियांचं पुनर्वसन करणार- मुख्यमंत्री news image दिल्ली विमानतळावर शहीद जवानांना पुष्पचक्र अर्पण करुन नरेंद्र मोदींनी हात जोडून शवपेट्यांना घातली प्रदक्षिणा news image हल्ला करणार्‍यांना किंमत चुकवावी लागेल, पंतप्रधानांचा इशारा news image पुलवामा हल्ल्याच्या पार्श्वभूमीवर संसदेचे विशेष अधिवेशन बोलवा- शिवसेना news image आम्ही आज केंद्र सरकारसोबत, त्याचे कसलेही राजकारण करणार नाही- राहूल गांधी news image पंतप्रधान आज महाराष्ट्रात दोन ठिकाणी सभा, विविध विकास कामांचे भूमिपूजन news image पाकिस्तानच्या उच्चायुक्तांना भारताने पाठविले समन्स news image पुलवामा हल्ल्याचा कट पाकिस्तानातून news image जावेद अख्तर आणि शबाना आजमी यांनी पाकिस्तान भेट केली रद्द news image पाकिस्तानचा बदला घ्या, ठोकून काढा- शिवसेना news image पुलवामा हल्ला प्रकरणी सात संशयितांना अटक

HOME   लातूर न्यूज

लातूरला लवकरच स्वतंत्र विद्यापीठ

खासदारांच्या मागणीला मुख्यमंत्र्यांचा सकारात्मक प्रतिसाद

लातूरला लवकरच स्वतंत्र विद्यापीठ

लातूर: लातूरला लवकरच स्वतंत्र विद्यापीठ होणार असून या मागणीला मुख्यमंत्री देवेंद्र फडणवीस व शिक्षणमंत्री विनोद तावडे यांनी सकारात्मक प्रतिसाद दिला आहे. यासाठी खासदार डॉ. सुनील गायकवाड यांनी मुख्यमंत्र्यांना पत्र दिले होते. मुख्यमंत्र्यांचे स्वीय सहायक अभिमन्यू पवार यांनी सातत्याने पाठपुरावा केल्याने लवकरच स्वतंत्र विद्यापीठाची घोषणा होण्याच्या आशा पल्लवित झाल्या आहेत.
शैक्षणिक पंढरी म्हणून ओळख असलेल्या लातूरने शैक्षणिक क्षेत्रात गुणवत्तेचा लातूर पॅटर्न निर्माण केला आहे. लातूरला शैक्षणिक वातावरण चांगले आहे. येथे मोठ्या संख्येने विद्यार्थी असल्याने इतर जिल्ह्यांच्या तुलनेत क्षेत्रफळ व लोकसंख्येच्या बाबतीत छोटा जिल्हा असतानाही लातूरला महाविद्यालये व विद्यार्थ्यांची संख्या लक्षणीय आहे. सध्या लातूर जिल्हा नांदेडच्या स्वामी रामानंद तीर्थ मराठवाडा विद्यापीठाशी संलग्नित आहे. लातूरमध्ये विद्यापीठाचे उपकेंद्र सुरू आहे. याची इमारत भव्यदिव्य आहे. प्रत्येक कामासाठी नांदेडला चकरा माराव्या लागत आहेत. हे टाळण्यासाठी येथील नागरिकांच्या मागणीनुसार खासदार डॉ. सुनील गायकवाड यांनी मुख्यमंत्री देवेंद्र फडणवीस व शिक्षणमंत्री विनोद तावडे यांच्याकडे स्वतंत्र विद्यापीठाची मागणी निवेदनाद्वारे केली. यासाठी त्यांनी वारंवार पत्रव्यवहार केला. त्याचप्रमाणे मुख्यमंत्र्यांचे स्वीय सहायक लातूरचे सुपुत्र अभिमन्यू पवार यांनी मुख्यमंत्र्यांकडे सातत्याने पाठपुरावा सुरूच ठेवला आहे. याची दखल घेत मुख्यमंत्री व शिक्षण विभागाच्या कार्यालयाकडून लातूरला स्वतंत्र विद्यापीठ निर्माण करण्याच्या प्रशासकीय हालचाली सुरू झाल्या आहेत. त्याचा निर्णय लवकरच जाहीर होण्याची आशा आहे. यामुळे लातूरकरांची अनेक वर्षांपासूनची मागणी पूर्णत्वास येणार आहे.


Comments

Top