logo
news image लातुरच्या बीएसएनएल कर्मचार्‍यांचा तीन दिवसांचा संप news image लातूर प्रशासन लोकसभ निवडणुकीसाठी पूर्णपणे तयार- जिल्हाधिकारी news image कोल्हापुरच्या महालक्ष्मी मंदिरात पगारी पुजारी नेमण्याची प्रक्रिया news image सोन्याचा भाव ३४ हजार चारशे news image नवाब मलिक यांनी मागितली अण्णा हजारे लेखी माफी news image राजौरीत पाकिस्तानकडून शस्त्रसंधीचं उल्लंघन news image हुरियतच्या दिडशे नेत्यांची सुरक्षा हटवली news image आजपासून बारावीची परिक्षा, १५ लाख परिक्षार्थी news image किसान सभेचा मोर्चा निघाला मुंबईकडे रवाना news image पुलवामा हल्ल्यानंतर पंतप्रधानांना प्रचार सभा घेण्याचे कसे सुचते? शरद पवारांचा सवाल news image भारतीय चित्रपट पाकिस्तानात प्रदर्शित न करण्याचा निर्णय news image पंतप्रधान नरेंद्र मोदी यांना सिओल शांतता पुरस्कार news image २६ फेब्रुवारीला अयोध्या प्रकरणी सर्वोच्च न्यायालयात सुनावणी news image २६ फेब्रुवारीला अयोध्या प्रकरणी सर्वोच्च न्यायालयात सुनावणी news image २६ फेब्रुवारीला अयोध्या प्रकरणी सर्वोच्च न्यायालयात सुनावणी news image पुलवामा हल्ल्याचे पुरावे पाकिस्तानला न देता इतर देशांना देणार news image २७ फेब्रुवारीला आयसीसीची बैठक news image अडीच वर्षे मुख्यमंत्री फॉर्म्युला वापरावा अन्यथा युती तोडावी- रामदास कदम news image पुण्याच्या आंबेगावात बोअरवेलमध्ये सहा वर्षाचा मुलगा पडला, एनडीआरएफने वाचवला

HOME   लातूर न्यूज

जिल्हाधिकारी व आयुक्तांनी असमान निधीवाटप प्रस्ताव फेटाळले

काँग्रेस पक्षाच्या लढ्याचा नैतिक विजय - विक्रांत गोजमगुंडे

जिल्हाधिकारी व आयुक्तांनी असमान निधीवाटप प्रस्ताव फेटाळले

लातूर: लातूर शहर महानगरपालिकेस शासनाकडून विविध योजना अंतर्गत प्राप्त ३० कोटींच्या विकास निधीकरिता कामाची निवड करताना सर्वसाधारण सभेत यादी सादर न करता सत्ताधाऱ्यांनी परस्पर विकास कामांच्या यादी तयार करून राजकीय द्वेषापोटी काँग्रेस नगरसेवकांच्या प्रभागात अत्यल्प निधी देत असमान निधी वाटप केला होता. यावर भारतीय राष्ट्रीय काँग्रेस पक्षाच्या सर्व सदस्यांनी आक्षेप घेत विरोध दर्शविला होता. याप्रकरणी उच्च न्यायालयात याचिकाही दाखल करण्यात आली होती तसेच जिल्हाधिकारी व मनपा आयुक्तांकडे तक्रारही करण्यात आली होती.
दलित वस्ती सुधार, दलितेत्तर, नगरोत्थान, विशेष रस्ता अनुदान व मूलभूत सोयी सुविधा योजनेकरिता ३० कोटीचा निधी उपलब्ध असताना ५२ कोटीच्या विकास कामांची यादी तयार करताना योजनांमध्ये अनुज्ञेय नसलेल्या कामांची निवड करणे व सर्वसमावेशक विकास कामांची निवड झाली नसल्याची दखल घेत जिल्हाधिकारी व मनपा आयुक्त यांनी विकासकामांच्या मंजुरीचे प्रस्ताव फेटाळून लावत नियमानुसार व सर्वसमावेशक कामांची नव्याने निवड सर्वसाधारण सभेत करून प्रस्ताव सादर करण्याचे निर्देश दिले आहेत. राजकीय आकस ठेवत काँग्रेस पक्षाच्या नगरसेवकांच्या प्रभागात अत्यल्प निधी देत शहराच्या विकासाचा समतोल ठेवण्यात आलेला नव्हता. सत्ताधाऱ्यांची ही कृती लातूरकरांसाठी अन्यायकारक होती. याबाबत कॉंग्रेस पक्षाच्या नगरसेवकांनी सर्वसाधारण सभेत आक्षेप नोंदवत मतदानाची मागणी केली होती. परंतु ही मागणी डावलण्यात आली. याच प्रकरणी काँग्रेस पक्षाच्या वतीने उच्च न्यायालयात दाखल याचिकेत उच्च न्यायालयाने मनपास नोटीस बजावत ११ फेब्रुवारी २०१९ पर्यंत म्हणणे मांडण्याचे आदेश दिले होते. जिल्हाधिकारी व मनपा आयुक्तांनी कायद्याचे पालन करत सर्व प्रस्ताव फेटाळल्याने आता नव्याने सर्वसाधारण सभेची मान्यता घेऊन विकास कामांची निवड करावी लागणार आहे. यामुळे सत्ताधाऱ्यांचा मनमानीस चाप बसणार असून काँग्रेस पक्षाच्या लढ्याचा नैतिक विजय झाला आहे अशा आशयाची माहिती प्रसिद्धी पत्रकाद्वारे माजी स्थायी समिती सभापती, नगरसेवक विक्रांत गोजमगुंडे यांनी दिली आहे.


Comments

Top