logo
news image हिंमत असेल तर धनंजय मुंडे यांनी बीड लोकसभा लढवावी- पंकजा मुंडे news image गरिबांना दरवर्षी ७२ हजार रुपये देऊ- राहूल गांधी news image गरिबांच्या खात्यावर थेट पैसे जमा करु- राहूल गांधी news image पाकिस्ताननं भारतातले ४० अतिरेकी मारले- थोर विचारवंत रावसाहेब दानवे news image औरंगाबादेतून इम्तियाज जलील यांना उमेदवारी- वंचित विकास आघाडीची घोषणा news image उर्मिला मातोंडकर भाजपात, निवडणूकही लढवणार news image रणजितसिंह निंबाळकर भाजपात news image लोकसभा निवडणुकीच्या नाकाबंदीत विदर्भात ८० लाख जप्त news image यंदाच्या पावसाळ्यात अल निनो घालणार खोडा- हवामान खाते

HOME   लातूर न्यूज

नवे आयुक्त दिवेगावकरांना ‘पटवण्याचे’ भाजप, कॉंग्रेसकडून प्रयत्न

दिवेगावकर फुफाट्यात पडतील का? की लगेच दुसरीकडे बदलून जाण्याचा प्रयत्न करतील?

नवे आयुक्त दिवेगावकरांना ‘पटवण्याचे’ भाजप, कॉंग्रेसकडून प्रयत्न

रवींद्र जगताप, लातूर: मनपाचे आयुक्त हंगे ऐकत नाहीत, फक्त कॉंग्रेसच्या लोकांना साथ देतात. महापौरांसह सगळ्याच नगरसेवकांची ही तक्रार कामी आली आणि त्यांची बदली झाली. आता कॉंग्रेसवाले काळजीत पडले आहेत. नवे आयुक्त कौस्तुभ दिवेगावकर आपल्याला साथ देतील का, भाजपवाले अडवणूक करतील तेव्हा न्याय देतील का? मनपात कॉंग्रेसने केलेल्या कामावरच पुढच्या निवडणुकीचं आणि विधानसभेचंही भवितव्य अवलंबून आहे. कॉंग्रेस गोटात चाचपणी केली सगळीकडे सूतक आहे. कौस्तुभ दिवेगावकर लातुरचेच असल्याने त्यांना ‘पटवण्याचा’ प्रयत्न दोन्हीकडून आताच सुरु झाला आहे. गुप्त माहितीनुसार कौस्तुभ दिवेगावकर यांना लातुरच्या मनपाची स्थिती कळाली आहे. या फुफाट्यात पडण्यापासून कसं वाचायचं यासाठी त्यांचे प्रयत्न चालू असल्याचे खात्रीलायक वृत्त आहे!
चार महिन्यांपूर्वी महापालिका आयुक्तपदाचा अच्युत हंगे यांनी पदभार स्वीकारला होता, मात्र सत्ताधारी भाजपाच्या नगरसेवकांसोबत त्यांचे जमले नाही. परिणामी त्यांची लातूर येथून बदली करण्यात आली. त्यांच्या जागी लातूरचे भूमीपुत्र असलेल्या कौस्तुभ दिवेगावकर यांची आयुक्त म्हणून नेमणूक करण्यात आली. विशेष म्हणजे दिवेगावकरांची मंगळवारी दुपारी पुणे येथे बदली झाली होती. ती तातडीने रद्द करून सांयकाळी लातूरचे आयुक्त म्हणून त्यांची बदली करण्यात आली आहे. अच्युत हंगे यांना अद्यापही नियुक्ती देण्यात आली नाही. मंगळवारी पालकमंत्री निलंगेकर यांनी मंत्रालयात महापौर सुरेश पवार, उप महापौर देविदास काळे, सभागृह नेते अ‍ॅड. शैलेश गोजमगुंडे यांची बैठक घेतली. यात हंगे यांच्याबद्दल तक्रारी करण्यात आल्या. याच दिवशी दुपारी राज्यातील काही आयएएस अधिकार्‍यांच्या शासनाने बदल्या केल्या होत्या. यात कौस्तुभ दिवेगावकर यांची पुणे येथे महापलिकेचे अतिरिक्त आयुक्त म्हणून बदली करण्यात आली होती. सांयकाळी मात्र दिवेगावकरांची लातूरचे महापालिका आयुक्त म्हणून बदली करण्यात आली. दिवेगावकर यांच्या रुपाने लातूर महापलिकेला पहिल्यांदाच भूमीपुत्र प्रमुख अधिकारी मिळाला आहे.


Comments

Top