logo
news image राफेल विमान घोटाळा प्रकरणी मोदी सरकार सहीसलामत, सर्वोच्च न्यायालयाने याचिका फेटाळल्या news image राफेल घोटाळ्याची माहिती राहूल गांधींना कुठून मिळते? ते त्यांनी सांगावे- अमित शाह news image जानेवारीत होणार शिक्षकांची मेगाभरती news image मुंबईतला पारा उतरला १८ अंशावर news image मुख्यमंत्र्यांच्या ताफ्यातील वाहनाला दंड रद्द news image अमिताभ बच्चन यांच्या घराची भिंत रस्ता रुंदीकरणासाठी पाडणार, बच्चन यांचे मौन news image राज्यातील सेतू सुविधा केंद्रातून जात प्रमाणपत्राचं वाटप सुरु news image अतिरेक्यांशी लढताना अपंगत्व आलेल्या जवानांचा लष्करप्रमुखांनी केला गौरव news image थकबाकीदार झाला म्हणून माल्या चोर कसा? नितीन गडकरी यांचा सवाल news image रेणा कारखान्यास सर्वोत्तम साखर कारखान्याचा पुरस्कार जाहीर news image लातुरातील कचरा वाहतूक करणार्‍या दिडशे वाहनांच्या कागदपत्रांची होणार तपासणी news image औशाचे नगराध्यक्ष अफसर शेख ठरले अपात्र, प्रभारी नगराध्यक्षपदी जावेद शेख news image लातूर जिल्हा परिषदेच्या अखत्यारीतील जिर्ण इमारती पाडणार news image ग्राहकाला मिळाली सव्वादोन किलो पेंड कमी, लातुरचे व्यापारी लक्ष्मीरमण भुतडा यांना १५ हजारांचा दंड news image चाकूर तालुका मुलींच्या जन्मदरात आघाडीवर news image ०४ वर्षांत राज्यात ११ हजारांहून अधिक शेतकऱ्यांच्या आत्महत्या news image कर्जमाफीऐवजी शेतकऱ्यांना अर्थसाह्य करणाऱ्या योजना राबवायला हव्यात- एसबीआयचा अहवाल

HOME   लातूर न्यूज

इंद्रप्रस्थ जलभूमी अभियानाला लातुरकरांनी दिला प्रतिसाद

प्रभाग सहा व सात मध्ये विविध उपक्रम, पुनर्भरण, वृक्षारोपण, शोषखड्डे

इंद्रप्रस्थ जलभूमी अभियानाला लातुरकरांनी दिला प्रतिसाद

लातूर: पालकमंत्री संभाजीराव पाटील निलंगेकर यांनी सुरू केलेल्या इंद्रप्रस्थ जलभूमी अभियानाच्या यशस्वीतेसाठी लातूरकर सरसावले असून लातुरकर मोठ्या संख्येने प्रतिसाद देत आहेत. लातूर शहरातील प्रभाग सहा व सातमध्ये हे अभियान राबविण्यात आले. पालकमंत्री संभाजी पाटील निलंगेकर यांनी स्वत: सहभागी होत नागरिकांचा उत्साह वाढवला. २५ मेपासून लातूर जिल्ह्यात इंद्रप्रस्थ जलभूमी अभियान व स्वावलंबन यात्रा राबविण्यात येत आहे. लातूर जिल्ह्याला पाणीदार करण्यासाठी जलपुनर्भरण, शोषखडडे, वृक्षारोपण व स्वच्छता आदी उपक्रम राबविले जात आहेत. प्रत्येक उपक्रमात पालकमंत्री स्वतः सहभागी होत असल्यामुळे जनतेचाही उत्साह वाढला असून नागरिकांचा उत्स्फूर्त प्रतिसाद लाभत आहे. या निमित्ताने गंजगोलाई परिसरात स्वच्छता मोहीम राबविण्यात आली. जुनी कापड लाईन भागात शोषखड्डे घेण्यासाठी श्रमदान करण्यात आले. या भागात पालकमंत्र्यांनी वृक्षारोपणही केले. भुसार लाईन भागात पालकमंत्र्यांच्या हस्ते विंधन विहिरीचे पुनर्भरण करण्यात आले. शाहू चौक परिसरातील भीमनगर येथे विंधन विहिरीचे पुनर्भरण करण्यात आले. बौद्धनगर परिसरात सय्यद खयूम यांच्या घरासमोर वृक्षारोपण करण्यात आले. सय्यद अय्युब यांच्या निवासस्थानी पुनर्भरण करण्यात आले. साळे गल्ली परिसरात शिवाजी धुमाळ यांच्या घरी वृक्षारोपण व विंधन विहिरीचे पुनर्भरण झाले. याच भागात किशन काळे यांच्या घराजवळ असणाऱ्या सार्वजनिक विंधन विहिरीचे पुनर्भरण करण्यासाठी पालकमंत्र्यांनी श्रमदान केले. नगरसेविका ज्योती आवस्कर यांच्या निवासस्थानाजवळ वृक्षारोपण करण्यात आले. मोतीनगर भागात प्रकाश कासट यांच्या घराजवळ सार्वजनिक विंधन विहिरीसाठी पुनर्भरण करण्यात आले. वीर हणमंतवाडी येथील दत्ता बोरुळे यांच्या मुलीच्या वाढदिवसानिमित्त त्यांच्या घरी वृक्षारोपण करून वृक्ष संगोपनाची जबाबदारी कुटुंबीयांवर सोपविण्यात आली. याप्रसंगी महापौर तथा त्या प्रभागाचे नगरसेवक सुरेश पवार, भाग्यश्री कौळखेरे, ज्योती आवस्कर, अजय दुडिले, शहर जिल्हाध्यक्ष शैलेश लाहोटी, उपमहापौर देविदास काळे, सभागृह नेते शैलेश गोजमगुंडे, शैलेश स्वामी, चंद्रकांत चिकटे, गणेश गोमचाळे यांच्यासह नगरसेवक, पदाधिकारी व स्थानिक नागरिकांची मोठ्या संख्येने उपस्थिती होती.


Comments

Top