logo
news image अपूर्वा यादव खून प्रकरणी मुख्य आरोपी अमर शिंदे याला अटक news image लातुरातील अपूर्वा यादव खून प्रकरणी दोन तपास पथके रवाना, चार संशयितांना अटक news image प्रकरण गुंतागुंतीचे, अपूर्वाने एका तरुणाला आत्महत्येस केल्याचा आरोप news image उजनीच्या पाण्यासाठी फेर प्रस्ताव पाठवा, लातूर भेटीत राज्यपालांची सूचना news image मांजरा साखर कारखान्याच्या गळीत हंगामाला सुरुवात news image अटल आरोग्य शिबिरात ३५०० डॉक्टरांची जेवणाची सोय करणार्‍या लातूर व्यापारी महासंघाचे मुख्यमंत्र्यांनी केले कौतुक news image शिवसेनेचे अभय साळुंके यांनी उजनीचे पाणी आणून सिध्देश्वराला केला अभिषेक news image आजपासून राज ठाकरे दहा दिवसांच्या विदर्भ दौर्‍यावर news image शबरीमाला मंदिरात महिलांसह सर्वांना प्रवेश देण्याचा सर्वोच्च न्यायालयाचा आदेश news image महिलांना प्रवेश दिला तर आत्महत्या करु, अनेक भक्तांची धमकी news image संघाच्या नागपूर दसरा पूजेला विरोध नाही, मात्र संघाच्या बेकायदेशीर शस्त्र बाळगण्याला विरोध- प्रकाश आंबेडकर news image संघवाल्यांना बेकायदा शस्त्र प्रदर्शन करण्यापासून रोखले नाही तर न्यायालयात दाद मागू- आंबेडकर यांचा इशारा news image महिलांना संधी दिली तर देशाचा विकास गतीने होतो हे सूत्र लक्षात ठेवण्याची गरज- राज्यपाल सी. विद्यासागर राव news image लातुरात राजर्षी शाहू महाविद्यालयातील ‘उच्चशिक्षणातील संधी’ या विषयावरील चर्चासत्राचे राज्यपालांनी केले उद्घाटन news image लातूर येथे विशाल नगर भागात अनंत यादव यांच्या मुलीची हत्या, दोन मोबाईल घेऊन मारेकरी पसार news image ९१ देशांतील २२ हजार जणांच्या सर्वेक्षणात महिलांना संधी दिलेले उद्योग नफ्यात चालतात- राज्यपाल

HOME   लातूर न्यूज

पवित्र कुराण सप्ताहाचा रामेश्‍वर (रुई) येथे ९ जून रोजी समारोप

पवित्र कुराण सप्ताहाचा रामेश्‍वर (रुई) येथे ९ जून रोजी समारोप

लातूर: विश्‍वशांती केंद्र (आळंदी), माईर्स एमआयटी,पुणे, एमआयटी विश्‍वशांती विद्यापीठ, पुणे आणि मानवतातीर्थ रामेश्‍वर (रुई), ता. जि. लातूर येथील जामा मस्जिद व समस्त मुस्लिम बांधव यांच्या संयुक्त विद्यमाने रविवार ०३ जून ते शनिवार ०९ जून २०१८ या कालावधीत पवित्र कुराण सप्ताह (दर्स-ए-कुरान) चे रामेश्‍वर (रुई) येथे संपन्न होत आहे. या सप्ताहाचा समारोप समारंभ ०९ जून २०१८ रोजी सकाळी ९.३० वा. होणार आहे. या समारंभासाठी हैद्राबाद येथील मौलाना आझाद राष्ट्रीय उर्दू विद्यापीठाचे कुलपती फिरोज बख्त अहमद हे सन्माननीय प्रमुख पाहुणे म्हणून उपस्थित रहाणार आहेत, अशी माहिती नागपूर विद्यापीठाचे माजी कुलगुरू व पवित्र कुराण सप्ताहाचे संयोजक डॉ. एसएन पठाण यांनी पत्रकार परिषदेत येथे दिली. माईर्स एमआयटी, लातूर येथे गुरुवार ०७ जून रोजी ‘पवित्र कुराण सप्ताह (दर्स-ए-कुरान)’ या विषयावर आयोजित पत्रकार परिषदेत डॉ. एसएन पठाण बोलत होते. यावेळी एमआयएमएसआर वैद्यकीय महाविद्यालयाचे कार्यकारी संचालक रमेशअप्पा कराड, मुफ्ती सय्यद ओवैस कासमी साहब यांची प्रमुख उपस्थिती होती. यावेळी बोलताना डॉ. एसएन पठाण म्हणाले, पवित्र दर्स-ए-कुरान सप्ताहात संपूर्ण सात दिवस सहभागी झालेल्या सर्व साधकांना आणि पवित्र कुराण मुखोद्गत असलेल्या सात हाफिजांचा विशेष गौरव करण्यात येणार आहे. त्याचबरोबर पवित्र कुराणाचा सामाजिक आशय सांगणार्‍या इस्लाम धर्माच्या नित्य नमाजी लोकांचा समारोप समारंभात शाल व पवित्र कुराणाची प्रत देऊन यथोचित सन्मान करण्यात येणार आहे.


Comments

Top