HOME टॉप स्टोरी

विद्यार्थ्याचा खून: बहिणीच्या लग्नासाठी चालवायचा रिक्षा

रात्रभर घेतला शोध, कुणालाच सापडला नाही, सकाळी सापडले ते प्रेतच

लातूर: लातुरच्या बसवेश्वर महाविद्यालयात बीएसडब्ल्य़ूचे शिक्षण घेणार्‍या शिवम मेंगले या तरुणाचा खून झालाय. त्याचं प्रेत आज सकाळी अकराच्या सुमारास सापडलं. शिवम मुळचा चिंचोली बल्लाळनाथचा रहिवासी आहे. पुढच्या महिन्यात त्याच्या बहिणीचे लग्न ठरले होते. या लग्नासाठी मदत होईल म्हणून फावल्या वेळेत रिक्षा चालवत असे. काल रात्री तो घराकडे परतलाच नाही. घरच्यांनी पोलिसात धाव घेतली पण उपयोग झाला नाही. रेल्वे स्टेशनचे पॅसेंजर आहेत त्यांना सोडून घरी येतो असा त्याचा शेवटचा फोन होता असे घरचे सांगतात. एमाआयडीसी पोलिस ठाण्याने या प्रकरणाची नोंद घेतली आहे. शिवमला दगडाने ठेचून मारले असावे असा अंदाज आहे. या प्रकरणाला प्रेम प्रकरणाचीही किनार असल्याची कुजबुज तेथे जमलेल्या विद्यार्थ्यातून ऐकू आली. दरम्यान पोलिसांनी या प्रकरणात दोघांना ताब्यात घेतले आहे.