HOME   व्हिडिओ न्यूज

अविनाश चव्हाणांचे प्रेत अजून शवागारातच

हळूहळू गर्दी ओसरली, आता अध्यक्ष विजय चौगुले यांची प्रतिक्षा


लातूर: खाजगी शिकवणी संस्थेचे संचालक अविनाश चव्हाण यांचे विच्छेदन केलेले प्रेत रात्री आडेनऊ वाजेपर्यंत शवागारातच होते. आरोपींना पकडा तोवर शव नेणार नाही असा पवित्रा नातलग आणि मित्र परिवाराने घेतल्याने सर्वांचीच गोची झाली. डीवायएसपी हिंमत जाधव, पोलिस निरीक्षक सुनील नागरगोजे, गजानन भातलवंडे, अशोक माळी त्यांचे सहाय्यक, महिला पोलिस, इतर पोलिस कॉन्स्टेबल, राखीव पोलिस ही सगळी मंडळी सकाळपासून याच ठिकाणी आहे. समाजाचे नेते विजय चौगुले मुंबईहून आल्याशिवाय निर्णय घेणार नाही असा निर्धार चव्हाण यांच्या आप्तांनी घेतल्याने आणि चौगुले केव्हा येतील याची खात्री नसल्याने पोलिसांनी शव विच्छेदनगृहाच्या परिसरातच राहुट्या ठोकल्या. दिवसभर हजारोंनी गर्दी केली होती. रात्री नऊच्या आसपास ती ओसरली. आता सकाळी अकरा वाजता अविनाश चव्हाण यांचे पार्थिव त्यांच्या गावाकडे रवाना होईल अशी शक्यता पोलिस अधिकार्‍यांनी वर्तवली.


Comments

Top