logo

HOME   व्हिडिओ न्यूज

महापौरांना ठरवा अपात्र, कॉंग्रेसची मागणी

मान्यतेपेक्षा अधिक बांधकाम, कर बुडवला, नियमांची केली पायमल्ली

लातूर: महापौरांनी अनधिकृत बांधकाम करीत कराची चोरी केली आहे. मनपा आर्थिक अडचणीत असताना महापौरच अशी फसवणूक करतात. त्यांच्यावर अपात्रतेची कारवाई करावी, याबाबत कॉंग्रेस न्यायालयातही जाणार आहे अशी माहिती आज झालेल्या अत्रकार परिषदेत ज्येष्ठ नगरसेवक अशोक गोविंदपूरकर यांनी दिली.
महापौर सुरेश पवार यांनी हनमंतवाडीतील घरी बांधकाम परवान्यापेक्षा अधिक बांधकाम केले, त्यांनी कराची चोरी केली, ३३.६५ चौरस मिटर बांधकामाची परवानगी घेतली. पण त्यापेक्षा अधिक बांधकाम केले, ते अजूनही चालू आहे. मनपा अडचणीत असताना कर बुडविला. कामगारांसाठी लागू केलेला करही बुडवला. हा सत्तेचा माज आहे. पदाचा गैरवापर आहे. याचा कायदेशीर पंचनामा केला आहे. पक्षाने त्यांच्यावर पक्षाने कारवाई करावी, सुरेश पवार यांचं नगरसेवकपदही रद्द झाले पाहिजे. हा प्रश्न विधानसभा आणि विधानपरिषदेतही आ. अमित देशमुख, विखे पाटील आणि धनंजय मुंडे मांडणार आहेत. भाजप स्वच्छ कारभार करते असा दावा केला जातो. कर बुडवणार्‍या महापौरावर कारवाई झालीच पाहिजे. त्यांना तातडीने पदमुक्त करायला हवे अशी मागणी कॉंग्रेस पक्षाच्या वतीने करण्यात आली आहे. याबाबतचा सगळा दस्तावेज विधिवत तयार करुन महापौरांच्या विरोधात न्यायालयात जाण्याची तयारी कॉंग्रेसने सुरु केली आहे.


Comments

Top