HOME व्हिडिओ न्यूज

बार्शी मार्गावर ट्रक-ट्रॅक्टरचा अपघात एक ठार

कांद्याने भरलेला ट्रक, मृत माने अपचुंद्याचे

लातूर: लातूर-बार्शी मार्गावर मांजरा कारखान्याजवळ शुक्रवारी मध्यरात्री ट्रक-ट्रॅक्टरचा भीषण अपघात झाला. या अपघातामध्ये ट्रक चालकाचा जागीच मृत्यू झाला आहे. भरत विश्वनाथ माने (वय ५७ अपचुंदा ता. औसा ) असे अपघातामध्ये मृत्यू झालेल्या चालकाचे नाव आहे. ट्रक चालक माने कांद्याने भरलेला ट्रक घेऊन लातूरकडे निघाले होते. त्यांचा ट्रक मांजरा साखर कारखाना परिसरात आला असता समोरून येणाऱ्या वेगवान ट्रॅक्टरची (एम.एच.१३ ए.जे. ३९३६) समोरा-समोर धडक बसली. हा अपघात एवढा भीषण होता की ट्रॅक्टरची ट्राली पालथी झाली असून ट्रकची एक बाजू पूर्णपणे उद्ध्वस्त झाली आहे. अपघाताची माहिती मिळताच स्थानिकांनी घटनास्थळी धाव घेत मदत कार्य सुरू केले. त्यानंतर पोलिसांनी घटनास्थळाचा पंचनामा करून चालक माने यांचा मृतदेह शवविच्छेदनासाठी लातूर येथील शासकीय रुग्णालयात पाठविला. या घटनेची एमआयडीसी पोलीस ठाण्यात नोंद करण्यात आली असून पुढील तपास सुरू आहे.