logo
news image राफेल प्रकरणी मोदींवर एफआयआर दाखल करा- राहूल गांधी news image राफेलची कगदपत्रे जाळली असावीत- अजित पवार news image राफेलची गहाळ कागदपत्रे चौकीदाराने शोधावीत- अजित पवार news image राफेल प्रकरणाची सुनावणी आता १४ तारखेला news image केंद्रीय मंत्रीमंडळाची आज अखेरची बैठक news image किरीट सोमय्यांच्या उमेदवारीला शिवसेनेचा विरोध news image हार्दीक पटेल कॉंग्रेसमध्ये जाण्याची शक्यता news image नागपूर मेट्रोचा पंतप्रधानांच्या हस्ते आज शुभारंभ news image सोलापूर विद्यापिठाच्या नामविस्तार कार्यक्रमावेळी मोठा गोंधळ news image दुबईहून आलेल्या व्यक्तीच्या कमरेच्या पट्ट्यात सापडले १८ लाखांचे सोने news image धुळे आकाशवाणीतील अधिकार्‍याने नशेत काढली निवेदिकेची छेड news image आपल्यावर देशद्रोहाचा खटला दाखल करुन दाखवाच- दिग्विजय सिंग news image पाकिस्तानने हल्ले केल्यास आता कुठलाही निर्णय घेण्यास भारत मोकळा news image दोन दिवसात उन्हाचा तडाखा वाढणार

HOME   व्हिडिओ न्यूज

उरलेली तूर आणि हरभराही खरेदी करणार- पाशा पटेल

१५ लाख बारदाना, दीड लाख टन साठवणुकीची जागा लवकरच उपलब्ध होणार

लातूर: मागच्या वर्षाप्रमाणेच यंदाही तूर खरेदीचे वांदे झाले आहेत. यंदा त्यात हरभर्‍याची भर पडली आहे. बारदाना नाही, साठवणुकीला जागा नाही. असा नन्नाचा पाढा सुरु आहे. पण सरकारने तूर आणि हरभरा खरेदीला मुदतवाढ देण्यास संमती दिली आहे. याबाबतचा अध्यादेश लवकरच निघेल अशी माहिती कृषी मूल्य आयोगाचे अध्यक्ष पाशा पटेल यांनी दिली. ते पत्रकार परिषदेनंतर आजलातूरशी बोलत होते.
तूर खरेदीची मुदत संपली आहे. हरभरा खरेदीची मुदत संपत आली आहे. असे असताना तूर आणि हरभरा मोठ्या प्रमाणावर शिल्लक आहे. तूर खरेदीला अजून मुदतवाढ हवी अशी शेतकर्‍यांची मागणी आहे, यासाठी मुख्यमंत्र्यांनी केंद्राकडे पाठपुरावा केला. पणन मंत्री सुभाष देशमुख आणि मी केंद्रीय कृषीमंत्र्यांना भेटलो. दोन तीन दिवसात तूर खरेदीला मुदतवाढ देण्याचा अध्यादेश निघण्याची शक्यता आहे. दोन दिवसात हरभरा खरेदीची मुदत संपणार आहे. पण केवळ बारदाना उपलब्ध नसल्याने ज्या प्रमाणात हरभरा खरेदी व्हायला पाहिजे त्या प्रमाणात झाला नाही. केंद्राने हरभरा खरेदीलाही मुदतवाढ देण्याबाबत संमती दर्शवली आहे. जागा आणि बारदान्याची अडचण होती. १५ लाख बारदाना सरकार उपलब्ध करुन देत आहे. शिवाय दीड लाख टन हरभरा, तूर साठवण्याची जागाही उपलब्ध झाली आहे. यामुळे शेवटच्या टप्प्यात उर्वरीत तूर आणि हरभराही खरेदी केला जाईल असे पाशा पटेल यांनी सांगितले.


Comments

Top