HOME   लातूर न्यूज

त्रिपुरा कॉलेजातून उडी घेणार्‍या त्या विद्यर्थिनीची तब्येत अजून गंभीरच

उडी घेण्यापूर्वी अनेकांनी तिला टॉर्चर केलं, त्याचा व्हिडीओ पत्रकार परिषदेत प्रसारित करण्याचा दावा


त्रिपुरा कॉलेजातून उडी घेणार्‍या त्या विद्यर्थिनीची तब्येत अजून गंभीरच

लातूर: लातुरच्या अंबाजोगाई मार्गावरील त्रिपुरा रिलायन्स विज्ञान महाविद्यालयात अकरावीत शिकणार्‍या हातकणंगले तालुक्यातील वडगाव या गावच्या एका मुलीनं कॉलेजच्या तिसर्‍या मजल्यावरुन खाली उडी मारली. यात ती प्रचंड जखमी झाली. डोक्याला भयंकर मार तर लागलेलाच आहे शिवाय अनेक हाडे फ्रॅक्चर झाली आहेत. राजीव गांधी चौकातील सह्याद्री रुग्णालयात तिच्यावर उपचार सुरु आहेत. दोन तीन ऑपरेशन्स यशस्वी झाली पण ती अजून कोमातच आहे. कसलीही हालचाल करीत नाही. तिला असंच व्हेंटीलेटरवर ठेवा. ती उठेल
असं तिच्या नातलगांना वाटते. पण डॉक्टर्स हमी द्यायला तयार नाहीत. दरम्यान काल घडलेल्या या घटनेबाबत शिवाजीनगर पोलिस ठाणे आज गुन्हा नोंदविण्याची प्रक्रिया करीत आहे.
काही मुस्लीम संघटनांनी या घटनेवर लक्ष केंद्रीत केले आहे. उडी मारण्यापूर्वी या मुलीला प्रचंड टॉर्चर करण्यात आले. सुमारे तासभर एक शिक्षक आणि एक शिक्षिका शिवाय अनेक विद्यार्थी त्यात सहभागी होते. तिने टॉर्चर सहन करीत शेवटच्या क्षणी खाली उडी मारली. त्याचं सीसीटीव्ही फुटेज आहे असं या संघटनांचं म्हणणं आहे. पत्रकार परिषद घेऊन हे सत्य पत्रकारांसमोर मांडणार आहोत असं या संघटनेच्या नेत्यांचं म्हणणं आहे.


Comments

Top