HOME   लातूर न्यूज

विजेच्या धक्क्याने तरुणाचा मृत्यू, मुलींच्या आयटीआयजवळ

वीज उतरली झाडात पाला काढताना बसला धक्का


विजेच्या धक्क्याने तरुणाचा मृत्यू, मुलींच्या आयटीआयजवळ

लातूर: अभिजित हदगले या बारावीतल्या विद्यार्थ्याचा झाडाचा पाला काढताना विजेचा जोरदार धक्का बसल्याने जागीच मृत्यू झाला. हा प्रकार एमआयडीसीतील मुलींच्या आयटीआयजवळ घडला. या आयटीआयतल्या कुंपणाजवळील झाडांच्या फांद्यांना अगदी चिकटून विजेच्या तारा गेल्या आहेत. या तारांमधील वीज झाडामध्ये उतरली होती. या झाडाचा पाला काढताना त्याला जबर धक्का बसला यातच त्याचे निधन झाले असे सांगण्यात आले. या प्रकरणी लातुरच्या एमआयडीसी पोलिस ठाण्यात अकस्मात मृत्यूची नोंद करण्यात आली आहे. हा तरुण मुळचा शिरसीचा असल्याचे समजते. काल त्याच्या नातलगांनी त्याचे प्रेत ताब्यात घेण्यास नकार दिला होता. मात्र आज ताब्यात घेतला.


Comments

Top