logo
news image कॉंग्रेसच्या प्रियंका चतुर्वेदी आल्या शिवसेनेत news image लातूर जिल्ह्यात ६२.१७ टक्के मतदान news image लातूर ग्रामीणमध्ये सर्वाधिक मतदान ६५.६५ टक्के news image सर्वात कमी मतदान लातुर शहरात ५७.३७ news image १० कोटी मतदारांनी बजावला मतदानाचा हक्क news image जम्मू काश्मिरात पार पडलं दुसर्‍या टप्प्यातलं मतदान news image अभिनेता रजनीकांत, कमल हसन, हेमा मालिनी यांनी केलं मतदान news image अखिलेश यादव यांनी दाखल केली लोकसभेसाठी उमेदवारी news image टीव्हीवर मोदी सरकारच्या जाहिराती चालूच news image देशाची काळजी मुळीच नाही शिवसेना दिल्लीत पाठवणार वाघ, शिवसेनेची जाहिरात news image मोदी निवडणुकीत जातीचं कार्ड वापरतात- राज ठाकरे news image मोदींनी पैसे बुडवणार्‍यांना देशाबाहेर पाठवले- राज ठाकरे news image मोदींनी सरदार पटेलांचा पुतळा चीनमधून मागवला- राज ठाकरे news image राज ठाकरे यांचा मतदानाचा हक्क काढून घेण्याचा आणि सभा थांबवण्याचा सरकारचा विचार

HOME   टॉप स्टोरी

तंटामुक्ती अध्यक्षपदाची शिऊरची अजब कहाणी

पोलिसांच्या उपस्थितीत झाले मतदान, ज्ञानेश्वर सूर्यवंशी यांची निवड

लातूर: साधारणत: तंटामुक्तीच्या अध्यक्षांची निवड आवाजी पद्धतीने किंवा हात वर करुन होते पण शिऊर गावात अवैध व्यवसाय करणार्‍या मंडळींनी सभा बिघडवण्याचा प्रयत्न केला. परिणामी पोलिसांना पाचारण करुन मतदान करावे लागले आणि गावातील धडपड्या तरुण ज्ञानेश्वर सूर्यवंशी यांची निवड विक्रमी मतांनी झाली. त्याचा हा किस्सा......
शिऊर ग्रामपंचायतीचे मतदानसुध्दा एवढे जोमात झाले नसेल तेवढ्या जोमात तंटामुक्तीच्या अध्यक्षपदासाठी भर पावसात उभा राहून गावकर्‍यांनी तंटामुक्ती अधक्ष निवडला आहे. शिऊर गावचे विद्यमान तंटामुक्ती अध्यक्ष ज्ञानेश्वर सुर्यवंशी यांना गावाने पुन्हा काम करण्याची संधी दिल्याने त्यांचा १५० मतांनी विजय झाला आहे. लातूर तालुक्यातील शिऊर गावचे तंटामुक्ती अध्यक्ष म्हणून ज्ञानेश्वर सुर्यवंशी यांनी गावातील अवैध धंदे व वाळू तस्करी थांबवल्याचा राग अनेकांच्या मनात खदखदत होता. तंटामुक्ती अध्यक्षपदाचा कार्यकाळ संपल्याने नवीन तंटामुक्ती अध्यक्षाची निवड करण्यासाठी गुरुवारी सकाळी ९.३० वाजता ग्रामसभा भरली. १२.३० वाजेपर्यंत ती रेंगाळत चालली. याप्रसंगी गावातील अवैध व्यवसाय करणार्‍या लोकांनी ज्ञानेश्वर सुर्यवंशीसह ग्रामस्थांना अश्लील भाषेत शिवीगाळ केली असून त्यावेळी पोलिसांनी बघ्याची भुमिका घेतली होती. अध्यक्षपदासाठी गावात मतदान घेण्याचे ठरले. त्यानुसार विद्यमान अध्यक्षासह ६ जणांनी उमेदवारी भरली. काही वेळात ४ जणांनी उमेदवारी माघारी घेतली. दोन उमेदवार फक्त रिंगणात राहिले. एकूण २७५ मतदान होते. ग्रामस्थांनी पावसात उभा राहून मतदान केले. ग्रामसेवक, पोलीस व उमेदवारांच्या उपस्थितीत मतमोजणी होऊन ज्ञानेश्वर सुर्यवंशी १५० मतांनी निवड झाली. त्यावेळी त्यांनी गावाच्या शांततेसाठी व सुव्यवस्थेसाठी काम करणार असल्याचे सांगितले.


Comments

Top