logo
news image पंतप्रधानांना भेटायला जाणार्‍या तृप्ती देसाईंना पुण्यात अटक news image पंतप्रधानांच्या दौर्‍याच्या पार्श्वभूमीवर प्रतिबंधात्मक कारवाई म्हणून अटक news image राखी सावंतच्या विरोधात भीम आर्मीनं केला खटला दाखल news image ऊसतोड कामगारांसाठी कल्याण मंडळ स्थापन करणार- पंकजा मुंडे news image सर्वे बघून निवडणुकीची तिकिटे मिळत नाहीत, माणसं बघून तिकिटे मिळतात- पंकजा मुंडे news image मारुती महाराज कारखान्याच्या निवडणुकीच्या प्रचारासाठी आ. अमित देशमुख यांच्या आज दोन सभा news image पावसाचा मुंबई आणि कोकणाला जोरदार तडाखा news image माथेरानची मिनी ट्रेन आजपासून होणार सुरु news image पंतप्रधान आज शिर्डीत साईबाबा शताब्दी सोहळ्यात होणार सहभागी news image आधार कार्डामुळे मोबाईल बंद होणार नाहीत news image राम मंदीर बांधता येत नसेल तर आम्हाला सांगा- उद्धव ठाकरे news image २५ नोव्हेंबरला अयोध्येला जाणार- उद्धव ठाकरे news image भगवानबाबांच्या सावरगावात दरवर्षी दसरा मेळावा होणार- पंकजा मुंडे news image बीडमध्ये नव्याने भगवानगड उभारणार- पंकजा मुंडे

HOME   लातूर न्यूज

खरिपाचे नुकसानीचे पंचनामे ताबडतोब करावेत

कॉंग्रेसच्या वतीने जिल्हाधिकार्‍यांकडे आग्रहाची मागणी

खरिपाचे नुकसानीचे पंचनामे ताबडतोब करावेत

लातूर: शेतकऱ्यांनी यंदा खरिप हंगामातील सोयाबीन, तूर, उडीद व मूग पिकांचे पावसाच्या अभावी नुकसान झाले आहे. पेरणी नंतर दिर्घकाळ पाऊस न पडल्यामूळे पिकांचा पालापाचोळा झाला आहे, यामुळे शेतकऱ्यांच्या हाता तोडाशी आलेला घास हिरावून गेला आहे. या अडचणीच्या काळात शेतकऱ्यांच्या नुकसान झालेल्या पिकांचे त्वरीत पंचनामे करून नुकसान भरपाई दयावी असे निवेदन निवासी उपजिल्हाधिकारी यांना लातूर तालूका काँग्रेस कमिटीच्या वतीने जि.प.सदस्य धीरज देशमुख, तालुका अध्यक्ष दगडूसाहेब पडीले यांच्या नेतृत्वाखालील शिष्टमंडळाने दिले आहे.
निवासी उपजिल्हाधिकरी यांच्याकडे निवेदन देण्या आधी धीरज देशमुख यांनी लातुर तालुक्यातील एकुरगा, माटेफळ, खंडाळा येथील शेतीची पाहणी करून शेतकऱ्यासोबत सद्याच्या परिस्थिती बददल चर्चा केली. खरिप हंगामाच्या सुरूवातीस पाऊस झाल्यानंतर पावसाने खंड दिल्यामुळे शेतकऱ्यांवर दुबार पेरणीचे संकट ओढावले. जुलै व ऑगस्ट महिन्यात पुन्हा पावसात खंड पडल्यामुळे खरिप हंगामातील पिकांचे पोषण झाले नाही. शेंगा लागण्याच्या स्थितीत पावसाने ओढ दिल्याने आलेले मूग, उडीद, सोयाबीन शेंगांचे पोषण झाले नाही. सध्या उन्हाची तीव्रता वाढल्यामुळेही पाने पिवळी पडत आहेत, यामुळे सोयाबीनचा पाचोळा झाला आहे. खरीपातील सर्व पिके आता शेतकऱ्याच्या हातून गेली आहेत. शेतकरी सद्या आर्थीक अडचणीत सापडला आहे. शासनाने अडचणीत सापडलेल्या शेतकऱ्यांना तातडीने पिकांचे पंचनामे करून मदत देऊन दिलासा द्यावा, यासाठी शुक्रवार रोजी काँग्रेसच्या शिष्टमंडळाने निवासी उपजिल्हाधिकारी यांची भेट घेतली. शेतकऱ्यांना या अडचणीतून सोडवण्यासाठी शासनाने तातडीने नुकसान झालेल्या पिकांचे पंचनामे करावेत असे लातूर तालूका काँग्रेस कमिटीच्या वतीने निवासी उपजिल्हाधिकारी यांना दिलेल्या निवेदनात म्हटले आहे.


Comments

Top