logo
news image बाळासाहेब ठाकरेंच्या स्मारकाचे आज झाले भूमिपूजन news image बाळासाहेबांना लातुरच्या शिवाजी चौकात अभिवादन news image व्हीव्हीपॅट मतदान यंत्राबाबत लातुरात ०१ लाख नागरिकांचे प्रबोधन news image लातुरातील परप्रांतीय मजुरांची नोंदणी करा- मनसे news image सरकारने काही न केल्यास सभासद आणि शेतकरी घेणार किल्लारी कारखान्याचा ताबा news image भाजपा-शिवसेना युती होणारच- नारायण राणे news image मुस्लीम समाजाच्या आरक्षणाची याचिका मागे news image मराठा आरक्षणाविरोधातील याचिका मागे news image परत कॉंग्रेसमध्ये जाण्याचा प्रश्नच नाही- नारायण राणे news image आज नेताजी सुभाषचंद्र बोस आणि बाळासाहेब ठाकरे यांची जयंती news image सुप्रिया सुळे आणि उदयनराजे या दोघांची उमेदवारी निश्चित news image पुण्यातल्या फर्ग्युसन महाविद्यालयाला विद्यापिठाचा दर्जा news image बाळासाहेब ठाकरे यांच्या स्मरकासाठी महापौर बंगल्याच्या जागेचं आज हस्तांतरण news image इसिस संघटनेचे सदस्य असल्याच्या संशयावरुन मुंब्रा आणि औरंगाबादेतून आठजण ताब्यात news image ब्राम्हण समाजाच्या मागण्या पूर्ण होतील, मुख्यमंत्र्यांचं तोंडी आश्वासन news image ठाकरे चित्रपटाचा दिल्लीतील खास प्रदर्शनाला पंतप्रधान आणि दिग्गज उपस्थित राहणार news image एटीमनंतर आता पासपोर्टलाही चीप बसवणार

HOME   लातूर न्यूज

आर्ट ऑफ लिव्हिंगच्या कार्यकारी परिषदेवर अॅड. त्र्यंबकदास झंवर यांची निवड

सात सदस्यांच्या मान्यवरात झंवर, श्री श्री रवीशंकर यांनी केली निवड

आर्ट ऑफ लिव्हिंगच्या कार्यकारी परिषदेवर अॅड. त्र्यंबकदास झंवर यांची निवड

लातूर: लातूर येथील ज्येष्ठ काँग्रेस नेते तथा सामाजिक कार्यकर्ते अॅड. त्र्यंबकदास झंवर यांची आर्ट ऑफ लिव्हिंगच्या महाराष्ट्र राज्य कार्यकारी परिषदेवर निवड करण्यात आली आहे. ही निवड श्री श्री रविशंकर यांनी केली आहे. या समितीवर एकूण सात सदस्य असून यांत प्रमुख उद्योगपती, समाजसेवक यांचा समावेश आहे. या समितीमार्फत महाराष्ट्रातील विविध उपक्रमासाठी निधी उपलब्ध करून दिला जातो.
आर्ट ऑफ लिव्हिंगच्या वतीने राज्यभर अनेक समाजोपयोगी उपक्रम सातत्याने राबविले जातात. यांमध्ये योगसाधना, अध्यात्मिक उन्नतीसाठीचे उपक्रम याबरोबरच जलसंधारण, वृक्षारोपण, विषमुक्त अन्न, उन्नत शेती, शिक्षण प्रसार, आरोग्य चळवळी, यासारख्या कार्यांचा समावेश आहे. यासाठी महाराष्ट्रात दरवर्षी जवळपास १०० कोटींहून अधिक खर्च केला जातो. लातूर जिल्ह्यात जलसंधारणाचे काम सन २०१३ मध्ये सुरु झाले. त्याचा चांगला फायदाही झाला. तावरजा नदीचे २८ किलोमीटर रुंदीकरण व खोलीकरण करण्यात आले. मांजरा, तेरणा, रेणा आदी नद्यांचे पुनरुज्जीवन करण्यात आले. मांजरा नदीच्या पुनरुज्जीवनासाठी ०१ कोटी रुपयांचा निधी खर्च करण्यात आला. त्याचप्रमाणे मांजरा नदीच्या काठावरील गायरान परिसरात ४५ हजार एकरांमध्ये २३ हजार झाडे लावण्यात आली आहेत. ठिबक सिंचनाने ही झाडे जिवंत ठेवण्यात आली आहेत. जलसंधारणाची चळवळ जिल्ह्यात १०० हून अधिक गावांत पोहोचली आहे. विषमुक्त अन्नाच्या निर्मितीसाठी तीन हजारांहून अधिक शेतकरी सेंद्रिय शेती करीत आहेत. यापुढे विषमुक्त आहार व निरोगी जीवन यासाठी काम केले जाणार असल्याची माहिती अॅड. त्र्यंबकदास झंवर यांनी दिली. दुष्काळग्रस्त मराठवाडा परिसरातील सर्व जिल्ह्यांत, विदर्भात व महाराष्ट्रातील सर्व जिल्हयांतही अनेक समाजोपयोगी कामे सुरु आहेत. या समितीवरील निवड हा श्री श्री रविशंकरजी यांचा आशीर्वाद असून याचा जास्तीत जास्त उपयोग लातूर व मराठवाड्यासाठी कसा करता येईल यासाठी आपण प्रयत्नशील राहू, अशी ग्वाही अॅड. त्र्यंबकदास झंवर यांनी दिली आहे. त्यांच्या या निवडीचे विविध क्षेत्रातील मान्यवरांनी स्वागत केले आहे.


Comments

Top