logo
news image आज जागतिक पुस्तक दिन, आपलं एक तरी पुस्तक लिहावं, वाचनाची गोडी लावावी news image लोकसभेसाठी तिसर्‍या टप्प्यात आज ११७ मतदारसंघात मतदान news image महाराष्ट्रात १४ ठिकाणी मतदान, अजित पवारांनी मातोश्रींसह केलं मतदान news image मतदान कार्ड अतिरेक्यांच्या आयईडी पेक्षा शक्तीशाली- मोदी news image आईचं दर्शन घेऊन नरेंद्र मोदींनी केलं अहमदाबादेत मतदान, अमित शाहही होते news image जालन्यात अनेक मतदान केंद्रात इव्हीएम मशीनमध्ये बिघाड news image उदयनराजे यांनी औक्षण घेऊन केलं मतदान news image साध्वी प्रज्ञासिंहांचे पंतप्रधानांनी केलेले समर्थन चिंताजनक- शरद पवार news image श्रीलंकेत सापडले आणखी ८७ बॉंब, तौहिद संघटनेवर शंका news image चौकीदार चोर है, राहूल गांधींनी मागितली सर्वोच्च न्यायालयात माफी news image अण्वस्त्रे दिवाळीसाठी नाहीत, पंतप्रधानांच्या भूमिकेचे उद्धव ठाकरे यांनी केले कौतुक news image विधानसभा निवडणुकीत राष्ट्रवादी देणार नव्या चेहर्‍यांना संधी

HOME   लातूर न्यूज

अभिनेते अतुल कुलकर्णी यांना 'डॉ. ना. य. डोळे स्मृती पुरस्कार'

२७ जानेवारी रोजी उदगीर येथे होणार पुरस्काराचे वितरण

अभिनेते अतुल कुलकर्णी यांना 'डॉ. ना. य. डोळे स्मृती पुरस्कार'

लातूर: उदगीर आणि मराठवाड्याच्या शैक्षणिक, सामाजिक, राजकीय विकासात वैचारीक योगदान देणारे दिवंगत समाजवादी विचारवंत प्राचार्य डॉ. ना. य. डोळे यांच्या स्मरणार्थ दरवर्षी विविध क्षेत्रात उल्लोखनीय कार्य करीत पुरोगामी विचारांची पेरणी करणाऱ्या व्यक्तींना, 'छात्रभारती' विद्यार्थी संघटनेच्या माजी पदाधिकाऱ्यांच्या वतीने, 'डॉ. ना. य. डोळे स्मृती पुरस्कार' देण्यात येतो. रोख रक्कम, स्मृतिचिन्ह, शाल असे या पुरस्काराचे स्वरुप आहे. गतवर्षी हा पुरस्कार माजी राज्यपाल शिवराज पाटील चाकूरकर यांच्या हस्ते शिक्षक आमदार कपिल पाटील यांना प्रदान करण्यात आला होता.
पुरस्काराचे हे दुसरे वर्ष असून यावेळी हा पुरस्कार प्रथितयश सिने अभिनेते अतुल कुलकर्णी यांना प्रदान करण्य़ात येणार आहे. १० सप्टेंबर १९६५ रोजी कर्नाटकातील बेळगाव येथे जन्मलेल्या अतुल कुलकर्णी यांनी हिंदी, मल्याळम, तमीळ, तेलगु, कन्नडा आणि मराठी चित्रपटांमध्ये अभिनय केलेला असून महाराष्ट्रातील पालघर जिल्ह्यात आदिवासी मुलांसाठी उभारलेले त्यांचे काम उल्लेखनीय आहे. यापूर्वी अनेक पुरस्कारांचे मानकरी ठरलेल्या अतुल कुलकर्णी यांना राष्ट्रीय पुरस्काराने यापूर्वी सन्मानित करण्यात आले आहे. याच कार्यक्रमात अतुल कुलकर्णी यांची प्रकट मुलाखत अलका धुपकर, विलास बडे हे घेणार आहेत.
अतुल कुलकर्णी यांना हा पुरस्कार येत्या २७ जानेवारी रोजी सायंकाळी ५.३० वाजता उदगीर येथील शिवाजी महाविद्यालयाच्या प्रांगणात होणाऱ्या दिमाखदार सोहळ्यात मान्यवरांच्या हस्ते वितरण करण्यात येणार आहे. मान्यवरांच्या प्रमुख उपस्थितीत हा पुरस्कार सोहळा संपन्न होणार आहे. या पुरस्कार सोहळ्यास उपस्थित राहण्याचे आवाहन पुरस्कार समितीचे कार्यवाह अजित शिंदे, दिलीप वाघमारे, अंकुश गायकवाड, पुरुषोत्तम भांगे, धनाजी बनसोडे, रवींद्र हसरगुंडे, विनायक चाकुरे, राजकुमार करंजे आदींच्यावतीने करण्यात आले आहे.


Comments

Top