HOME व्हिडिओ न्यूज

तुम्ही थुंका, साफ आम्ही करतो!

वसुंधराने साफ केली उड्डाण पुलाची भिंत, जनतेला आवाहन

लातूर शहरातील मनपाच्या इमारती, सार्वजनिक ठिकाणे आणि सरकारी कार्यालयाच्या संरक्षक भिंती मनमोहक पद्धतीने रंगवल्या जात आहेत. उड्डाण पुलाच्या भिंतीवर सुरेख रंगीत चित्रे काढण्यात आली आहेत. पण त्यावरही न थुंकणारे ते लातुरकर कसले? डिव्हायडरवरच्या पाट्या रंगवल्या त्या रंगवल्याच पण भिंतीवरही पान सुपारी खाऊन आणखी रंगकाम केले जात आहे. हे काम करणारे कदाचित मोटे चित्रकार असतील. म्हणून पिचकार्‍या मारुन ते या चित्रांना आणखी रंगवू पहात आहेत. तर अशा रितीने झालेले विद्रुपीकरण साफ करण्याचे काम आज वसुंधरा या सामाजिक संस्थेने केले.अध्यक्ष योगेश शर्मा यांनी पुढाकार घेतला, उमाकांत मुंडलिक, रामदास घार, अमोल स्वामी, हुसेन शेख यांनी भिंती स्वच्छ केल्या. हा उपक्रम पाहून अनेक युवक, नागरिक उत्स्फूर्तपणे सहभागी झाले.