HOME लातूर न्यूज

राहुल गांधी यांच्या समवेत आमदार देशमुख यांची चर्चा

लोकसभा निवडणुकीसाठी कॉंग्रेसची जोरदार तयारी, मुद्द्यांवर विचार विनिमय

लातूर-नवी दिल्ली : आगामी लोकसभा निवडणुकीच्या दृष्टीने अखिल भारतीय काँग्रेस पक्षाच्या वतीने जोरदार तयारी सुरू आहे. या निमित्ताने १३ फेब्रुवारी रोजी पक्षाध्यक्ष राहुल गांधी यांनी आयोजीत केलेल्या बैठकीस अखिल भारतीय काँग्रेस कमिटीचे सचिव माजी राज्यमंत्री आमदार अमित विलासराव देशमुख उपस्थित होते. नवी दिल्ली येथे मंगळवार व बुधवार रोजी पक्ष कार्यालयातील नियमित कामकाजात सहभागी होण्याबरोबर आमदार अमित विलासराव देशमुख यांनी पक्षाध्यक्ष राहुल गांधी यांची भेट घेवून महाराष्ट्र आणि गोव्यातील लोकसभा निवडणुकीच्या दृष्टीने चर्चा केली. लोकसभा निवडणुकीतील प्रचार यंत्रणा तथा निवडणुक काळात जे मुद्दे उचलून धरायचे आहेत याबाबतही उभयतांमध्ये चर्चा झाली.