logo
news image राफेल प्रकरणी मोदींवर एफआयआर दाखल करा- राहूल गांधी news image राफेलची कगदपत्रे जाळली असावीत- अजित पवार news image राफेलची गहाळ कागदपत्रे चौकीदाराने शोधावीत- अजित पवार news image राफेल प्रकरणाची सुनावणी आता १४ तारखेला news image केंद्रीय मंत्रीमंडळाची आज अखेरची बैठक news image किरीट सोमय्यांच्या उमेदवारीला शिवसेनेचा विरोध news image हार्दीक पटेल कॉंग्रेसमध्ये जाण्याची शक्यता news image नागपूर मेट्रोचा पंतप्रधानांच्या हस्ते आज शुभारंभ news image सोलापूर विद्यापिठाच्या नामविस्तार कार्यक्रमावेळी मोठा गोंधळ news image दुबईहून आलेल्या व्यक्तीच्या कमरेच्या पट्ट्यात सापडले १८ लाखांचे सोने news image धुळे आकाशवाणीतील अधिकार्‍याने नशेत काढली निवेदिकेची छेड news image आपल्यावर देशद्रोहाचा खटला दाखल करुन दाखवाच- दिग्विजय सिंग news image पाकिस्तानने हल्ले केल्यास आता कुठलाही निर्णय घेण्यास भारत मोकळा news image दोन दिवसात उन्हाचा तडाखा वाढणार

HOME   लातूर न्यूज

सोयाबीनची बेकायदा आयात थांबणार

पाशा पटेल यांच्या निवेदनानंतर केंद्र सरकारचे कार्यवाहीचे निर्देश

सोयाबीनची बेकायदा आयात थांबणार

लातूर: देशातील सोयाबीनचे दर वाढल्यानंतर काही व्यापाऱ्यांनी परदेशातून बेकायदेशीरपणे सोयाबीनची आयात सुरू केली होती. यामुळे बाजारपेठेत सोयाबीनचे दर काही प्रमाणात कमी झाले. यासंदर्भात FSSAI च्या चेअरमन रिता तेवतिया यांना माहिती दिल्यानंतर केंद्रशासनाने दोन दिवसात कार्यवाही करण्याचे निर्देश दिल्याची माहिती राज्य कृषी मूल्य आयोगाचे अध्यक्ष पाशा पटेल यांनी दिली. पाशा पटेल म्हणाले की, केंद्र सरकारने खाद्य तेलावर आयातशुल्क वाढवले. सोयाबीन पेंडीवर १० टक्के निर्यात अनुदान दिले. त्यामुळे भारतीय बाजारपेठेत सोयाबीनचा दर ३८०० ते ३९०० रुपयांपर्यंत पोहोचला. वाढलेले हे दर पाहता काही व्यापाऱ्यांनी आफ्रिकन राष्ट्रातून ३५०० रुपये प्रति क्विंटल या दराने जी एम सोयाबीन आयात करण्यास प्रारंभ केला.
३५०० रुपयात हे सोयाबीन भारतात दाखल होत आहे. यामुळे बाजारपेठेत सोयाबीनचे दर काही प्रमाणात कमी होत आहेत. मुळात भारत सरकारने जी एम सोयाबीनला परवानगी दिलेली नाही. परदेशातून येणारे सोयाबीन हे जी एम सोयाबीन आहे. ज्याला बंदी आहे ते सोयाबीन शासनाच्या डोळ्यात धूळ फेकून आयात केले जात आहे.
ही बाब लक्षात आल्यानंतर राज्य कृषी मूल्य आयोगाचे अध्यक्ष पाशा पटेल यांनी फूड सेफ्टी स्टॅंडर्ड ॲक्ट ऑफ इंडिया च्या चेअरमन रिता तेवतिया यांची भेट घेऊन यासंदर्भात त्यांना सविस्तर निवेदन दिले. बेकायदेशीरपणे होणाऱ्या या आयातीवर बंधन आणावे, शेतकऱ्यांना न्याय द्यावा अशी मागणी त्यांनी या निवेदनात केली. त्यावरून यासंदर्भात तातडीने कार्यवाही करण्याचे निर्देश तेवतिया यांनी दिले. परदेशातून होणारी बेकायदेशीर आयात थांबल्यानंतर पुन्हा एकदा सोयाबीनचे दर वाढतील असेही ते म्हणाले.


Comments

Top