logo
news image कल्पना गिरी प्रकरणातील महेंद्रसिंह चौहानला सशर्त जामीन, मात्र लातूर जिल्ह्यात प्रवेशबंदी news image उदगीर: जगाने बंदी घातलेल्या मोदींना संघाने पंतप्रधान केले- प्रकाश आंबेडकर news image मराठा आरक्षण प्रकरणी ओबीसी संघटनेची आज जागर बैठक news image योगेंद्र यादव महा आघाडीत जाणार नाहीत news image मराठा आरक्षण विरोधी जनहित याचिकेवर आज उच्च न्यायालयात सुनावणी news image कोल्हापूर महापौरपदाच्या निवडणुकीत शिवसेना राहणार तटस्थ, नगरसेवक सहलीला news image सांगलीतील मुक्त विद्यापिठाच्या वर्गात मित्रानेच मैत्रीणीची केली बेंचवर डोके आपटून हत्या news image सीएम चषक स्पर्धेत १२ क्रीडा प्रकार, जालन्यात झाले उदघाटन news image कोल्हापूर-हैद्राबाद विमानसेवा सुरु news image उद्यापासून संसदेचं हिवाळी अधिवेशन news image नेवास्यात शेतकर्‍याने दीड टन कांदा वाटून टाकला, दानपेटी ठेवली, त्यातले पैसे मुख्यमंत्र्यांना पाठवणार news image निळवंडे धरणासाठी शिर्डी संस्थानचे ५०० कोटी. निळवंडेकरांनी काढली नतनस्तक रॅली news image धुळे व नगर महापालिकांचे आज निकाल, साडेअकरापर्यंत राजकीय चित्र स्पष्ट होण्याची शक्यता news image राम मंदिरासाठी केंद्राने कायदा करावा यासाठी संघाकडून दबाव news image नव्या वर्षात तूरडाळ, हरभरा डाळीसह उडीद डाळी गाठणार शंभरी

HOME   व्हिडिओ न्यूज

‘ग्रीन लातूर, रन लातूर’साठी परप्रांतीयही धावले, आता दरवर्षी मॅराथॉन

लातूर: लॉयन्स क्लब लातूर मिडटाऊनच्या वतीने रविवारी रोजी आयोजित करण्यात आलेल्या १० किलोमीटर व ५ किलोमीटर अंतराच्या हाफ मॅराथॉन स्पर्धेस अभूतपूर्व प्रतिसाद मिळाला. या स्पर्धेत केवळ महाराष्ट्राच्या कानाकोपऱ्यातीलच नव्हे तर कर्नाटक, मध्य प्रदेश, राजस्थानच्या स्पर्धकांनीही उत्स्फूर्त प्रतिसाद नोंदवला. या स्पर्धेचे उद्घाटन खासदार डॉ. सुनील गायकवाड, माजी खासदार डॉ. गोपाळराव पाटील, पोलीस अधीक्षक डॉ. शिवाजीराव राठोड यांच्या हस्ते करण्यात आले.
लातूर शहरातील जिल्हा क्रीडा संकुलात रविवारी सकाळी या हाफ मॅराथॉन स्पर्धेचे उद्घाटन झाले. या स्पर्धेत दहा किलोमीटर अंतर गटांत ६०० हून अधिक तर ०५ किलोमीटर अंतर गटांत ३०० हून अधिक स्पर्धक सहभागी झाले होते. यावेळी जिल्हाधिकारी जी. श्रीकांत, अतिरिक्त पोलीस अधीक्षक काकासाहेब डोळे, शहर पोलीस उपविभागीय अधिकारी शिलवंत ढवळे, पोलीस लॉयन्स क्लब लातूर मिडटाऊनचे अध्यक्ष लॉ प्रमोद भोयरेकर, सचिव बाळासाहेब रेड्डी, तुकाराम पाटील, अनिरूध्द कुर्डूकर, अजय गोजमगुंडे, धनंजय बेंबडे, डॉ. दत्तात्रय मंदाडे, डॉ. ईरपतगिरे यांसह मान्यवर उपस्थित होते. दहा किलोमीटर धावण्याच्या स्पर्धेत पुरुष (१७ ते ४० वयोगट) प्रथम पुरस्कार बुलडना जिल्ह्यातील शिरपूर येथील किशोर गव्हाणे याने जिंकला. व्दितीय यवतमाळ जिल्ह्यातील किशोर जाधव तर तृतीय पुरस्कार वाशीमच्या प्रकाश देशमुखने जिंकला. पुरुषांच्या ४० ते ६० वयोगटात प्रथम पुरस्कार अहमदनगर येथील दत्तात्रय जायभाये, व्दितीय वाशीम भास्कर कांबळे, तृतीय पुरस्कार मुंबईच्या शिवानंद शेटे व प्रकाश अहिरेकर यांना विभागून देण्यात आला. दहा किलोमीटर धावणे महिला गटांत (वय १७ ते ४०) प्रथम पुरस्कार परभणीच्या ज्योती गवते याना, व्दितीय उदगीरच्या पूजा डिगोळे, तृतीय नांदेड जिल्ह्यातील सगरोळी येथील भारती दुधे हिला देण्यात आला. पाच किलोमीटर धावण्याच्या मुलींच्या गटांत परभणी जिल्ह्यातील कांचन म्हात्रे प्रथम, व्दितीय परभणीचे कीर्ती डुकरे, तर तृतीय पुरस्कार विशाखा बास्कर हिस देण्यात आला. पाच किलोमीटर शालेय मुलांच्या गटांत प्रथम नांदेड जिल्ह्यातील सगरोळीचा विष्णू लव्हाळे, व्दितीय परभणीच्या जयराम गोरचाटे तर तृतीय क्रमांकाचे पारितोषिक परभणीच्याच विनय धोबळे याने मिळवले. या स्पर्धेत लातूरच्या पोलीस प्रशिक्षण केंद्रातील २१० स्पर्धकांनीही पीटीएस चे बालाजी लंजीले यांचयह मार्गदर्शनाखाली सहभाग नोंदवला. या स्पर्धेसाठी मुख्य प्रायोजक म्हणून स्टेप बाय स्टेप ग्रुप एडॉल्फ जिम अविनाश चव्हाण यांचे प्रायोजकत्व लाभले.
स्पर्धेत सहभागी झालेल्या स्पर्धकांसाठी अल्पोपहाराची व्यवस्था 'खिचडी वाटप मित्रमंडळाने' केली. महावीर काळे यांचयच्या नेतृत्वाखाली यशवंत विद्दयालयाचे १०० विद्यार्थ्यांनी स्वयंसेकांची जबाबदारी सांभाळली. क्रीडा शिक्षक संघटनेचे गिरवलकर व त्यांच्या सहकाऱ्यानी स्पर्धेचे परीक्षक म्हणून काम पाहिले. स्पर्धेदरम्यान पोलीस प्रशासनाने वाहतूक नियंत्रण व्यवस्था अत्यंत चोख ठेवली होती. शहरवासियांनीही स्पर्धेच्या यशस्वीतेसाठी सर्वतोपरी सहकार्य केले. लॉयन्सच्या पदाधिकाऱ्यांनी स्पर्धेच्या यशस्वीतेसाठी सहकार्य करणाऱ्या सर्वांचे आभार व्यक्त केले.


Comments

Top