HOME व्हिडिओ न्यूज

अमृतने फोडली जुनी पाईपलाईन, गळती सुरुच, खड्ड्यात पडले अनेकजण

प्रभाग १० चे गार्‍हाणे: कॉंग्रेस नगरसेवकांना कुणी विचारत नाहीत, अधिकारी दाद देत नाहीत

लातूर: लातूर शहरात अमृत पेयजल योजने अंर्तगत पाइपलाईनचे कामे चालू असून या कामामुळे नागरिकांना अपूर्ण कामांचा त्रास होतो आहे. प्रभाग १० मध्ये सुभेदार रामजी नगर या भागात मागील एक महिन्याखाली पाइपलाईनचे काम झाले आहे. अद्यापपर्यंत तरी खोदलेल्या रोडचे पॅचवर्क न झाल्यामुळे रस्त्यांमध्ये अपघाताचे प्रमाण वाढ्ले आहे. गेल्या १५ दिवसांपासून रस्त्याच्या मधोमध खड्डा पडला आहे. रस्त्यावरून ये-जा करतेवेळी यामध्ये अनेक जण पडत आहेत. या भागातील नागरिकांना याचा त्रास सहन करावा लागतो आहे. वेळोवेळी प्रशासनाकडे तक्रार करूनही प्रशासकीय अधिकारी व मनपा दूलक्ष करते आहे. काल याच खड्ड्यामध्ये एक आजी पडल्या. कशा तरी बचावल्या, त्यांचं काही झालं असतं तर कोण जबाबदार असा प्रश्न नागरिक करीत आहेत. या प्रभागात सगळे नगरसेवक कॉंग्रेसचे असल्यामुळे या प्रभागातील कामे जाणीवपूर्वक टाळण्यात येतात असा आरोप केला जात आहे. ही पाइपलाईन करतेवेळी समांतर पाइपलाईन फ़ुटली आहे. ती दुरूस्त करण्याची विनंती केली पण त्याचा काहीच उपयोग होत नाही. संबधित अधिकारी फ़ोनही घेत नाहीत. कलावती गायकवाडांच्या घरासमोर हा खड्डा आहे. त्यांचा घरातील लहान मुलं या खड्ड्यात पडून जखमी झाली आहेत. नगरसेवकांनी तक्रार करुनही दखल घेतली जात नाही. पाइपलाईन दुरूस्त करूनही पाण्याची गळती चालूच आहे. याच्या निषेधार्थ खड्ड्यांचे सुशोभिकरण करुन त्यात फ़ुगे सोडण्यात आले. यावेळी कल्पना पंडीत, कावेरी भालेराव, भाऊसाहेब गायकवाड, अजय कांबळे, शोभा राऊत, तारमती गायकवाड, वनमाला सुरवसे, अ‍ॅड. सचिन कांबळे, प्रितेश सुरवसे, आकाश भगत, अक्षय पडिले यावेळी हजर होते.