| |
|
|
|
|
|
फॉर्मविना चालतं लातूरचं आरटीओ कार्यालय !! |
|
|
लातूर दि. 22 फेब्रुवारी : लातूरच्या परिवहन कार्यालयात विविध कामांसाठी लागणारे वेगवेगळे फॉर्म उपलब्ध नसल्यानं सर्वांचीच अडचण होत आहे. हे फॉर्म्स उपलब्ध करुन द्यावेत अशी मागणी लातूर जिल्हा मोटार मालक संघानं केली आहे. त्याबाबतचं एक निवेदन या संघटनेचे अध्यक्ष सय्यद ताजोद्दीनबाबा आणि त्यांच्या सहकायांनी आरटीओ आटोळे यांना दिलं. मागच्या चार वर्षांपासून परवाना नूतनीकरण फॉर्म, फिटनेस फॉर्म, फिटनेस कार्ड फॉर्म, टॅक्स भरण्याचे एटी फॉर्म, बोजा उतरण्याचे आणि चढवण्याचे फॉर्म, एनओसी फॉर्म, नॅशनल परमिटचे फॉर्म, डुप्लीकेट आरसी बुक काढण्याचे फॉर्म या कार्यालयात चार वर्षांपासून उपलब्ध करुन दिले जात नाही. यामुळं बाहेरुन फॉर्म आणून त्यांचा काळाबाजार केला जातो यामुळं सर्वांचीच अडचण होत आहे असं मोटार मालक संघाचं म्हणणं आहे. कार्यालयात फॉर्म मिळत नाहीत पण बाहेर ब्लॅकनं मिळतात असं का असा प्रश्न मोटार मालक संघानं केला. तर हे फॉर्म्स लवकरात लवकर उपलब्ध करुन देऊ असं आश्वासन परिवहन विभागानं दिलंय..... (इस्माईल शेख 9422818079, विजय कवाळे 9922397890) |
|
|
|
|
|
|
|
|
|
|
|
