logo
news image पुलवामा प्रकरणी आज दिल्लीत सर्वपक्षीय बैठक news image पुलवामा घटनेत शहीद झालेल्या बुलडाण्यातील दोन शहीद जवानांच्या पार्थिवावर आज अंत्यसंस्कार news image नितीन राठोड आणि संजय राजपूत या दोन शहिदांचे पार्थिव आधी औरंगाबादेत पोचणार news image राठोड आणि राजपूत यांच्या कुटुंबियांना प्रत्येकी ५० लाख देणार, कुटुंबियांचं पुनर्वसन करणार- मुख्यमंत्री news image दिल्ली विमानतळावर शहीद जवानांना पुष्पचक्र अर्पण करुन नरेंद्र मोदींनी हात जोडून शवपेट्यांना घातली प्रदक्षिणा news image हल्ला करणार्‍यांना किंमत चुकवावी लागेल, पंतप्रधानांचा इशारा news image पुलवामा हल्ल्याच्या पार्श्वभूमीवर संसदेचे विशेष अधिवेशन बोलवा- शिवसेना news image आम्ही आज केंद्र सरकारसोबत, त्याचे कसलेही राजकारण करणार नाही- राहूल गांधी news image पंतप्रधान आज महाराष्ट्रात दोन ठिकाणी सभा, विविध विकास कामांचे भूमिपूजन news image पाकिस्तानच्या उच्चायुक्तांना भारताने पाठविले समन्स news image पुलवामा हल्ल्याचा कट पाकिस्तानातून news image जावेद अख्तर आणि शबाना आजमी यांनी पाकिस्तान भेट केली रद्द news image पाकिस्तानचा बदला घ्या, ठोकून काढा- शिवसेना news image पुलवामा हल्ला प्रकरणी सात संशयितांना अटक

HOME   काल, आज आणि उद्या

मराठा आरक्षणाचे संपूर्ण श्रेय आंदोलनकर्त्यांना

लढ्यात ज्यांनी बलिदान दिले त्यांना सलाम- आ. अमित देशमुख

मराठा आरक्षणाचे संपूर्ण श्रेय आंदोलनकर्त्यांना

मुंबई: महाराष्ट्र विधीमंडळाचा दोन्ही सभागृहात गुरुवारी मराठा आरक्षण विधेयक एकमताने मंजूर झाले या ऐतिहासिक आनंदी क्षणाचे आपणाला साक्षीदार होता आले याचा मनस्वी आनंद आहे, असे सांगून या आरक्षण मागणीसाठी मराठा समाजाने राज्य, देश आणि जागतिक पातळीवर जो संघर्षपूर्ण लढा उभारला होता त्यांचा हा विजय असल्याची प्रतिक्रिया माजी राज्यमंत्री आमदार अमित विलासराव देशमुख यांनी व्यक्त केली आहे.
राज्यात मराठा समाजाला आरक्षण मिळावे ही खूप जुनी मागणी होती त्यासाठी वेळोवेळी मोर्चा आणि आंदोलने होत राहिली आहेत. अलीकडच्या काळात मराठा क्रांती मोर्चाने लक्षवेधी मोर्चे काढून आपली मागणी सातत्याने लावून धरली होती. समाजातील मुलींनी या शिस्तबद्ध अनोख्या मोर्चाचे नेतृत्व करून एक वेगळा संदेश समाजाला दिलेला आहे. शिस्तबद्ध विराट मूक मोर्चे, धरणे, चक्काजाम आंदोलने या माध्यमातून मराठा समाजातील मागासलेपण समोर आणून शासनाला आरक्षण देण्यासाठी भाग पाडले आहे. त्यामुळेच मराठा क्रांती मोर्चाला या ऐतिहासिक निर्णयाचे संपूर्ण श्रेय जाते आहे. या लढ्यात ज्यांनी आपले बलिदान दिले तेच मराठा आरक्षणाचे खरे हिरो असून आपण त्यांना या क्षणी सलाम करीत असल्याचेही आमदार देशमुख यांनी म्हटले आहे.


Comments

Top