HOME व्हिडिओ न्यूज

झाकीर हुसेन शाळेची बस धडकली डीपीला

बसमध्ये सात ते आठ विद्यार्थिनी, दोघी जखमी

लातूर: आज दुपारी तीन वाजण्याच्या सुमारास डॉ. झाकीर हुसेन मुलींच्या शाळेच्या बसने कव्हा मार्गावरील चन्नबसवेश्वर महाविद्यालयाजवळ वीज पुरवठा करणार्‍या डीपीला धडक दिली. या धडकेत दोन विद्यार्थिनी जखमी झाल्या. समरीन शेख पटेलनगर, सुमय्या सय्यद खुब्बानगर अशी या दोघींची नावे आहेत. घटना घडली त्यावेळी बसमध्ये सात ते आठ विद्यार्थिनी होत्या असे सांगितले जाते. या धडकेत डीपीचे मोठे नुकसान झाले. पण ते भरुन देण्याची तयारी शाळेनं दाखवल्याने ती सोडून देण्यात आली. बसचे स्टेअरींग जाम झाल्याने हा अपघात घडल्याचे सांगण्यात आले. लातुरात शाळांच्या बसेस अतिशय वेगाने चालवल्या जातात त्या किमान वेगाने आणि सुरक्षितरित्या चालवाव्यात अशी विनंती प्रत्यक्षदर्शीं प्रशांत जोजारे यांनी केली आहे.