| |
|
|
|
|
|
आजा मेरी गाडी मे बैठ जा .... |
|
|
आपला निवडणूक आयोग अडचणीत आलाय. पेच भलता वेगळा आहे. मुंबईतल्या किवसेना आणि फनसे या दोन पक्षांनी एकच निवडणूक चिन्ह मागितलंय. ऑटोरिक्षा ! या दोघांनाही निवडणूक चिन्ह बदलून हवंय आणि ते सुध्दा, ऑटोरिक्षाच हवंय. मुंबई ठाण्यातल्या रिक्षेवाल्यांनी नागरिकांची अडवणूक सुरु केली म्हणून या दोघांनाही राग आलाय. लोकांनी आपली अडचण बोलून दाखविण्याआधीच त्यांना कळवळा येतो. दोघांनीही लोककल्याणाचा वसा घेतल्यानं मुंबईकर खूष आहेत. या दोघांनी सुरु केलेल्या कल्याणकारी कामांमुळं मुंबईत रामराज्य आलंय. पण या मुंबईत फक्त ऑटोरिक्षाचालक नावाचे रावण आहेत. या रावणांना सरळ करण्याचा विडा या दोघांनाही उचललाय. सुरुवात कुणी करायची यावर त्यांचं नक्की ठरेना. पहले आप पहले आप करीत वाट बघत बसले. त्यांची वाट बघून बघून कंटाळलेल्या कुणीतरी रिक्षावर पहला पत्थर फेकला. त्याचा गवगवा चॅनलवाल्यांनी करताच सगळ्यांना रिक्षावाल्यात रस वाटू लागला. पहला पत्थर किसने फेंका याचं उत्तर अजून मिळालेलं नसलं तरी हमने फेंका असं फनसे सांगते. फनसेचा गवगवा बघून लोकांना किव आलेल्या किवसेनेलाही हा पत्थर आपणच फेकला याचा साक्षात्कार झाला. मग सुरु झाली पत्थरबाजी. दोघांनी दावे केले पण पत्थर के सनमचं नाव मात्र सांगितलं नाही. दोन्ही पार्ट्या गुन्ह्याची कबुली देतात पण पोलिस मात्र कारवाई करण्यासाठी त्या रिक्षाचालकाची वाट पाहतायत. तो मात्र काहीच बोलत नाही. उद्या धंद्यावर पाणी फिरलं तर फनसे जेऊ घालणार नाही आणि किवसेना भीक मागू देणार नाही. या वांद्यात मात्र दोन्ही पार्ट्यांनी त्या फुटलेल्या रिक्षा हायजॅक केल्यात आणि दोघंही मतदारांना म्हणतायत ..... आजा मेरी गाडी मे बैठ जा, आजा मेरी गाडी मे बैठ जा !! लॉंग ड्राईव्ह जायेंगे, शिववडा खायेंगे, कहीं रुकेंगे ना हम, गाना बजाना, खाना पिना गाडी मे होगा सनम .... आजा मेरी गाडी मे बैठ जा, आजा मेरी गाडी ए बैठ जा !! |
|
|
|
|
|
|
|
|
