logo
news image पावसात व्यत्यय येण्याची शक्यता, अल निनो वादळाचे सावट news image गोकुळ दूध संघाच्या अंदोलनाला खा. राजू शेट्टी यांचा एक दिवसाचा पाठिंबा news image दुधाला लिटरमागे पाच रुपायांची वाढ द्या- राजू शेट्टी news image मुंबईच्या समुद्राला आज सर्व लाटांचं तांडव सुरु, पालघरध्ये अनेक घरात समुद्राचे पाणी! news image आषाढी एकादशीच्या वारीसाठी पोलिसांनी तयार केले खास अ‍ॅप, अ‍ॅपमध्ये सगळ्य़ा सुविधा news image मोबाईलच्या बॅटरीचा स्फोट झाल्यामुळे पालघरात तिघे जखमी

HOME   टॉप स्टोरी

बस स्थानकातील सीसीटीव्ही कॅमेर्‍यांनी आणले भानगडींवर नियंत्रण

गुन्ह्यांना बसला पायबंद, प्रवाशात विश्वासाचे वातावरण

लातूर: लातूर शहरातील मध्यवर्ती बसस्थानकात १० सीसीटीव्ही कॅमेरे बसवण्यात आले आहेत. मुळातच असुरक्षित असलेल्या या स्थानकात ही यंत्रणा आल्याने तातडीने दोन गुन्हे उघड झाले. शिवाय स्थानकात घडणार्‍या बारीक सारीक भानगडींवर चांगलेच नियंत्रण आले आहे अशी माहिती बसस्थानक प्रमुख राघोबा सोमवंशी यांनी दिली. लातूर बसस्थानकात मुख्यत्वाने लातूर बाजारात आलेल्या शेतकर्‍यांची लूट होत असे. त्यानंतर बाहेरगावहून आलेल्या व्यापार्‍यांनाही अशा प्रसंगांना सामोरे जावे लागत असे. मंगळसूत्र, चैन हिसकावणे, पाकीट मारणे असेही प्रकार सतत घडत असत. सीटवर प्रवाशांनी ठेवलेल्या बॅगाही पळवल्या जायच्या. स्थानकात पोलिसांची उपस्थिती असतानाही असे प्रकार सतत घडायचे. आता स्थानकात ही नवी यंत्रणा आल्याने बर्‍याच गोष्टींना पायबंद बसला आहे. कॅमेरे बसवल्यानंतर दोन गुन्हे घडले, कॅमेर्‍यांमुळे दोन्ही घटनातील आरोपी सापडले, त्यांच्याकडून मुद्देमाल सहीसलामत जप्त करण्यात आला. या नव्याव्यवस्थेमुळे प्रवाशातही विश्वासाचे वातावरण तयार झाले आहे असा दावा बसस्थानक प्रमुख राघोबा सोमवंशी यांनी केला.


Comments

Top