logo
news image आज जागतिक पुस्तक दिन, आपलं एक तरी पुस्तक लिहावं, वाचनाची गोडी लावावी news image लोकसभेसाठी तिसर्‍या टप्प्यात आज ११७ मतदारसंघात मतदान news image महाराष्ट्रात १४ ठिकाणी मतदान, अजित पवारांनी मातोश्रींसह केलं मतदान news image मतदान कार्ड अतिरेक्यांच्या आयईडी पेक्षा शक्तीशाली- मोदी news image आईचं दर्शन घेऊन नरेंद्र मोदींनी केलं अहमदाबादेत मतदान, अमित शाहही होते news image जालन्यात अनेक मतदान केंद्रात इव्हीएम मशीनमध्ये बिघाड news image उदयनराजे यांनी औक्षण घेऊन केलं मतदान news image साध्वी प्रज्ञासिंहांचे पंतप्रधानांनी केलेले समर्थन चिंताजनक- शरद पवार news image श्रीलंकेत सापडले आणखी ८७ बॉंब, तौहिद संघटनेवर शंका news image चौकीदार चोर है, राहूल गांधींनी मागितली सर्वोच्च न्यायालयात माफी news image अण्वस्त्रे दिवाळीसाठी नाहीत, पंतप्रधानांच्या भूमिकेचे उद्धव ठाकरे यांनी केले कौतुक news image विधानसभा निवडणुकीत राष्ट्रवादी देणार नव्या चेहर्‍यांना संधी

HOME   लातूर न्यूज

आजची महाविद्यालये बेरोजगारी निर्माण करणारे कारखाने

शिक्षणक्षेत्र राजकारणरहित असावे- उच्चतंत्र शिक्षण मंत्री विनोद तावडे

आजची महाविद्यालये बेरोजगारी निर्माण करणारे कारखाने

लातूर दि.18- “असर” या संस्थेने मागील चार वर्षात देशभरातील शैक्षणिक प्रगतीचा अहवाल तयार केला आहे. या अहवालानुसार शैक्षणिक क्षेत्रातील सर्वात जास्त प्रगती ही महाराष्ट्र राज्यात झाली असून आपलं राज्य हे देशपातळीवर अग्रेसर ठरले, असल्याची माहिती शालेय शिक्षण, उच्च-तंत्रशिक्षण, क्रीडा, अल्पसंख्यांक मराठी भाषा व सांस्कृतिक कार्यमंत्री विनोद तावडे यांनी दिली. राजर्षि शाहू महाविद्यालयाच्या प्रांगणात आयोजित दुसरा पदवी वितरण समारंभा प्रसंगी तावडे बोलत होते. यावेळी कामगार कल्याण, कौशल्य विकास, भूकंप पूर्नवसन व माजी सैनिक कल्याणमंत्री तथा पालकमंत्री संभाजी पाटील निलंगेकर, माजी खासदार तथा शिवछत्रपती शिक्षण संस्थेचे अध्यक्ष गोपाळराव पाटील, आमदार विक्रम काळे, उच्च शिक्षण विभागाचे संचालक बळीराम लहाने, स्वामी रामानंदतीर्थ विद्यापीठाच्या परीक्षा व मूल्यमापन मंडळाचे संचालक डॉ. रवी सरोदे, शाहू महाविद्यालयाचे प्राचार्य डॉ. महादेव गव्हाणे, डॉ. ओमप्रकाश शहापूरकर आदिसह विद्यार्थी मोठया संख्येने उपस्थित होते. उच्च-तंत्रशिक्षण मंत्री तावडे म्हणाले की, राज्य शासन कौशल्यावर आधारित शिक्षणाला महत्व देत आहे. त्यानुसार शैक्षणिक अभ्यासक्रम सुरु केले जात आहेत. लोकल टू ग्लोबल हा शैक्षणिक दर्जा ठेवून विद्यार्थ्यांना गुणवत्तापूर्ण शिक्षण उपलब्ध्‍ केले जात असून मागील तीन वर्षात राज्यातील ३४ हजार विद्यार्थी इंग्रजी माध्यमाच्या शाळेतून मराठी माध्यमात प्रवेशित झाले आहेत, असे सांगून शासन शिक्षणाला राजकारणापासून दूर ठेवत असल्याचं त्यांनी म्हटले. तसेच देशपातळीवर महाराष्ट्र राज्य शैक्षणिक क्षेत्रात जी प्रगती करत आहे त्याचे सर्व श्रेय हे येथील शिक्षकांना असल्याचे तावडे यांनी सांगून विद्यार्थ्यांना मातृ भाषेतूनच शिक्षण दिले पाहीजे, असे मत त्यांनी व्यक्त केले. त्याप्रमाणेच या पुढील काळात समाजाने आपल्या मनातील पदवी शिक्षणाचं भूत काढून कौशल्य शिक्षणाला महत्व दिले पाहीजे. कारण आजची महाविद्यालये ही बेरोजगारी निर्माण करणारे कारखाने बनली आहेत, असे त्यांनी सांगितले. यावेळी आमदार विक्रम काळे व डॉ. गोपाळराव पाटील यांनी ही मनोगत व्यक्त केले. तर शाहू महाविद्यालयाचे प्राचार्य डॉ. गव्हाणे यांनी प्रास्ताविकातून शैक्षणिक संस्थांच्या कार्याची माहिती दिली. प्रारंभी छत्रपती राजर्षि शाहू महाराजाच्या प्रतिमेचे पूजन मान्यवरांच्या हस्ते करण्यात आले. त्यानंतर शिक्षण मंत्री विनोद तावडे व मान्यवरांच्या हस्ते राजर्षि शाहू महाविद्यालयातील पदवी प्राप्त करणाऱ्या विद्यार्थ्यांना पदवीचे वितरण करण्यात आले. या कार्यक्रमास विद्यार्थी मोठया संख्येने उपस्थित होते.


Comments

Top