logo
news image कल्पना गिरी प्रकरणातील महेंद्रसिंह चौहानला सशर्त जामीन, मात्र लातूर जिल्ह्यात प्रवेशबंदी news image उदगीर: जगाने बंदी घातलेल्या मोदींना संघाने पंतप्रधान केले- प्रकाश आंबेडकर news image मराठा आरक्षण प्रकरणी ओबीसी संघटनेची आज जागर बैठक news image योगेंद्र यादव महा आघाडीत जाणार नाहीत news image मराठा आरक्षण विरोधी जनहित याचिकेवर आज उच्च न्यायालयात सुनावणी news image कोल्हापूर महापौरपदाच्या निवडणुकीत शिवसेना राहणार तटस्थ, नगरसेवक सहलीला news image सांगलीतील मुक्त विद्यापिठाच्या वर्गात मित्रानेच मैत्रीणीची केली बेंचवर डोके आपटून हत्या news image सीएम चषक स्पर्धेत १२ क्रीडा प्रकार, जालन्यात झाले उदघाटन news image कोल्हापूर-हैद्राबाद विमानसेवा सुरु news image उद्यापासून संसदेचं हिवाळी अधिवेशन news image नेवास्यात शेतकर्‍याने दीड टन कांदा वाटून टाकला, दानपेटी ठेवली, त्यातले पैसे मुख्यमंत्र्यांना पाठवणार news image निळवंडे धरणासाठी शिर्डी संस्थानचे ५०० कोटी. निळवंडेकरांनी काढली नतनस्तक रॅली news image धुळे व नगर महापालिकांचे आज निकाल, साडेअकरापर्यंत राजकीय चित्र स्पष्ट होण्याची शक्यता news image राम मंदिरासाठी केंद्राने कायदा करावा यासाठी संघाकडून दबाव news image नव्या वर्षात तूरडाळ, हरभरा डाळीसह उडीद डाळी गाठणार शंभरी

HOME   टॉप स्टोरी

शेतकर्‍यांनी आता महावितरणच्या कर्मचार्‍यांना विष पाजावे, आपण घेऊ नये!

राजकुमार सस्तापुरे आणि कार्यकर्त्यांचे आवाहन, एकंबीच्या शेतकर्‍याची प्रकृती अजूनही चिंताजनक

लातूर: महावितरणच्या ५९ हजाराच्या बिलापायी हतबल झालेल्या एकंबीच्या श्हाजी राठोड या अल्पभूधारक शेतकर्‍याने महावितरणच्या कार्यालयात विषारी औषध घेतले होते. लातुरच्या आशिर्वाद रुग्णालयात त्याच्यावर उपचार सुरु आहेत. आजही त्याच्या तब्येतीत सुधारणा झालेली नाही, चिंताजनकच आहे. शेतकरी संघटनेचे जिल्हाध्यक्ष राजकुमार सस्तापुरे आणि त्यांच्या सहकार्‍यांनी रुग्णालयात जाऊन त्याची अवस्था पाहिली, डॉक्टरांशी चर्चा केली. राठोड यांच्या प्रकृतीत सुधारणा नाही पण ती जैसे थे आहे असे डॉक्टरांनी सांगितले.
महावितरणने हे वीज बील कमी करावे किंवा त्याचे हप्ते पाडून द्यावेत आणि पुन्हा वीज जोडणी द्यावी यासाठी शहाजी यांनी औसा आणि उजनी येथील महावितरणच्या कार्यालयात अनेकदा चकरा मारल्या पण त्याला यश आले नव्हते. काल सकाळी उजनी येथील महावितरणच्या कार्यालयात आणखी एकदा विनंती केली. पण कुणीच ऐकलं नाही. अधिकारी आणि कर्मचार्‍यांच्या समोर त्यांनी सोबत आणलेले रोगर नावाचे किटकनाशक प्राशन केले होते.
आज सस्तापुरे यांनी हे सबंध प्रकरण जाणून घेतले. नापिकी आणि कर्जबाजारीपणामुळे शेतकरी आत्महत्या करतात. आता महावितरणमुळे ते आत्महत्येचा प्रयत्न करीत आहेत. सरकारने शेतकर्‍यांची बाजू समजून नाही घेतली तर याचा उद्रेक होईल. शेतकर्‍यांनी असा टोकाचा निर्णय घेऊ नये. महावितरणचे अधिकारी-कर्मचारी वीज पुरवठा तोडत असतील तर आमच्याशी संपर्क साधावा आम्ही त्यांना धडा शिकवू, विष घेण्याची वेळ आली तर त्या अधिकारी-कर्मचार्‍याला विष पाजावे. मरण्यासाठी नाही तर लढण्यासाठी तयार रहावे असे आवाहन राजकुमार सस्तापुरे यांनी केले.


Comments

Top